مرثيه في أخي سلطان بن عميره

[سيف بن معلث]

(( سلطان بن بدر بن قاعد بن عميره ))


أخ لم تلده أمي.
جمعتني به الأقدار وفرقت بيني وبينه أيضاً.
سألت عنه كثيراً .وكلما سأل عني أزدت شوقاً له,
غيبته المنيه إلى الأبد وساهم
الموت في تأكيد الغياب الأبدي
ساعتها أدركت أنه لن يعود
فقلت:
حصان وحصان وإبن حصان

جفا العين حظ النوم يوم أغفت الأعيان = وهذا حال من يفقد عزيز(ن) من أصحابه
أي والله فقدت حصان وحصان وأبن حصان = حفيد الشيوخ اللي على العز شبّابه
ولد بدر أبن قاعد وقاعد ولد سلــطان = شيوخ(ن) لهم تاريخ من ماضي عتابه
رثيته وحزني يوم فـرقـــاه ياكـحيــــلان = عـــزاي وعـــزا أبوه وعــزا جمـلـة أقــرابـه
عسى الله يلهمنا به الصـبـــر والسلــوان = فقيــده وقــول الصــدق والحـق يبدابـه
وعـسى نزله أمع الرسـل وأطهـرنسـل عدنان = ومن حوض ختم الرسل يهنا ويروى به
ويالمعطي الآخذ ويامحصي الأكوان = رحمـاك به ياملهــم الصبــر بمصــابه
ووسع بقبره وأجزه العفو والرضـوان = ياحـــــــي يامعــبــود ماخـــــاب طــــــلابـه
ويــارب أخذهــا روح بالعـفــو والغــفــران = ويالله تجيره من بلا القبر وحسابه
ويالله عوض دنيـاه جنه ذوات أفنان = يقر العيون ومأشتهى القلب يلقى بـه
وأمـده بخيــر الـفعــل وبنعـمـة الإـيمـــان = وحشر(ن) مع أزكى الرسل والخلق وأحبابه
وتولـه بعطف ورحمه وعفو يالمنــان = وقبر(ن) لـفـردوس العــلا فاتــح(ن) بابــه
وعساك الونيس بوحشته يالله المنان = وتجيــره من الضيقــات والقبـر وأسبابــه
وأنزله منزل صدق وإيمــان وأطمئنــان = نهار الحشر يوم(ن) به الخلق مرتابه
وجزاء السيئه عفووجزاء الحسنه الإحسان = وتجـــــاوز عنــه وأجـــزه عن الزلـــه إثابـــه
ويالله يــــارب الإنس يالله يارب الجــان = عسى في يمينه يوم يعرض لك كتابه
وشفـاعتك يالحــي . وشفــــاعة القـــــــرآن = وشفاعــة نبي(ن) بعده الدين يمشــابه
ومرحــوم ياسلطــــــان مرحوم ياسلطــــان = عسى الغيم يسقي قبر سلطـان وترابه
جفاء العين حظ النوم يومٍ أغفت ألأعيــان = وهذا حال من يفقد عزيز(ن) من أصحـابه

سيف بن معلث