‏(وداعة الله)رثاء في والدتي رحمها الله

[ضاوي الشيباني]

السلام عليكم ورحمة الله وبركاته

أخواني وزملائي الافاضل أقدم لكم هذه القصيده الذي كتبتها هذا اليوم وهي مرثيه في والدتي رحمها الله واسكنها فسيح جناته
الذي توفت ليلة الاربعاء الماضي
لاتنسوها من صالح دعائكم جزاكم الله خير

بـديت بـسم مكون الناس من طين=الخالق اللي له فـؤادي قنـوعي
مـؤمن بمكتـو به على العسر واللين=مهما حصل ماقيل عني جزوعي
ثم بعد ذكره ياشعر خلص الدين=عبر عن اللي لوع القلب لوعي
بعد فراق الغاليه خاطري شين=كف الحزن ممدود ويمـد جوعي
الهم صافحني من يسار ويمين=والقلب خطر من الحنايا يزوعي
كنه من الضيقه نبت له جناحين=ماغير يكفخ ويتحرى الطلوعي
واقلبي اللي راح ماقال لي وين=ماعاد له مجلاس داخل ضلوعي
والعين من فرقاه ماشافت الزين=تبكي وتشكي من سهر له سبوعي
ياعاذلي بالله لاتعذل العين=والله لتبكي لين تنشف دموعي
ماتنعذل لو تبكي شهور وسنين=دام القمر غايب بـ لـيل الربوعي
أغلى بشر مذكور فالشرع والدين=أمـي حيـات الروح بين الربوعي
كريمة(ن)محـشومة(ن)عن هـل الشيـن=ولهـرجـة الـنمـام ماهـي سموعي
ماتـؤذي الجيـران هم والبعيدين=وداعة الله ياحلات الطبوعي
يالله عسى دهم السحاب المخازين=تنشي بامر ربي بقـدره وطـوعي
تمطر على قبر الحبيبه سبوعين=ويبرد ثراه من الروى والنقوعي
وينبت عليه من الخزاما ملاييين=ومن النفل وأزهار من كل نوعي
ويالله عسى الفردوس مسكانـها لـين=تبعث جميـع الخلق بـامره جموعي

اللهم آمييين