الرجا والياس

[مشاري الكرشمي]

بسم الله الرحمن الرحيم

رمضان مبارك على الجميع
متواضعه اتمنى ان تحوز على رضاكم

بين جلد الذات وامال يسرجها الخيال= يعذر اللي يسرج الليل ويطول اسفره
يطرد احلامً اليا قربت مثل الظلال= وان تباعدها زمتله على مد انظره
يفتح اقواس الاجابه ولايرضى السوال= وان هتف له طاريٍ غير بالصبرا زجره
الرجا في خصمة الياس ويطول السجال= وضعه الماثل ينبيك عن سطو اقدره
ياعذولي لاتكثر عليه بالجدال= لن عطاك الوقت وجهه مالقاك اظهره
كل مازايمك همك وضاق ابك المجال= في ضلوعً سوّرة صبر وايمان اقبره
عز نفسك لاتراخا تحت مس الليال= لوقضيت الوقت كله تحت ظل اشجره
يثبت اللي يرتكي فالنوايب للثقال= مايهد عزومه الوقت لوطال اقشره
مايشوقه غير مبدا الطوال من الجبال = كل شبرٍ فيه طاله ونوماس اشبره
لايطيح اشدادها بعد شديت الرحال= من حداه الخوف بالعزم والصبر اعبره
وانتبه لاعاد تكثر عليه بالجدال = ان عطاك الوقت وجهه مالقاك اظهره