يانفس من جور الزمن لاتعانين = تصبري مادام للصير قيمه
تصبري والعاقبه للتقيين = لاتشتكين من القهر والظليمه
وعن ما مضالك فالزمن لاتسالين = ترى الندم يثر عوقب وخيمه
شيا مضا مايعود لاتستخفين = تحكمي يانفس خلك حكيمه
لاتذهبين القلب يانفس تكفين = خليه يدله فالزمان ونعيمه
مادام هاجوسه ليا حزنت العين = وقامت تزج اعبارها مستضيمه
اغتاض ثم مثل كلاما بتثمين = مثايلا من غيض فكره عديمه
انا الذي عانيت هجر المحبين = والهم لازمني وكني لزيمه
في دنيتي تغيرن العناوين = السيل جاء بعده رشاريش ديمه
ياحظ محدا بدل الزين بالشين = ولاحدن يحط الفوز مثل الهزيمه
لكن دنيانا غدت ام وجهين = قامت تعوج دروبها االمستقيمه
لاجيت اجاريها عسى امورها تتزين= واضمد جروحي لين تصبح سليمه
لوكان لاعشره ولاهن بعشرين = دكت علي الذكريات القديمه
وتجددن جروح قلبي بعد حين = لاياوجود اللي فقدله يتيمه
يانفس
العرض الشجري