قصيدة الشاعر ضاوى بن ثاعى الصفيانى رثاء الأمير/مقعد الدهينه رحمهما الله

[الضاوى الصفيانى]

ويـن العديـم الفيصلـي القطامـي=اللي دفن جسمه على حفنـة النيـر
وين الشجاع اللي يقـص العظامـي=قاس الضروس مسمر الخصم تسمير
وين اللي فعله لعلى النـاس زامـي=لطـام عبسيـن الوجيـه المناكيـر
وين الأسد وان جا نهار العسامـي=وتجمعوا والخيـل جتهـم دعاثيـر
واليا دخل فا المعركـة واستقامـي=يقطع كما تقطـع حـداد المناشيـر
لو انهـم كثـر الجـراد التهامـي=ترجع باهلها عـن كمينـه مدابيـر
ماكر حرارن من فـروع المقامـي=خيـال زينـات البكـار الخواويـر
كل يعرفـه مـن بحـور طوامـي=نصر البكار اللـي حلقهـا دواويـر
ماكر حـرار مـن سلالـة كرامـي=بطل من أبطـال الدهينـات واميـر
وأهل الجزيـرة لبسـوه الوسامـي=ودرع الشجاعة جاه من سالم الزير
والتاج لبسه مـن سعـود اليمامـي=وعنتر كتب له في الصحيفة مناشير
ومشعان أخو جحله كتب له كلامـي=يقول خيـال السلـف والمضاهيـر
وهذال ابن فهيـد يرسـل سلامـي=ويرسل من أنواط الشجاعة تصاوير
وراكان ابن حثلين عنـده علامـي= ويرسل قصايد للدهينـة وتعبيـر
ونايف ابن حميـد شـد الحزامـي=وينخى هل التاريخ كـل الشواعيـر
ويكتب لمقعـد والفعـول القدامـي=ولهل الشجاعة والرجـال المناعيـر
وجميع فرسـان الجزيـرة تحامـي=واكتـب تعـازي للدهينـة وتقديـر
وابن ألوى أرسل تعـازي وقامـي=ليوم تربـة ومعسكـرت المساميـر
وسلطان يشهد لـه بيـوم العدامـي=يوم الهدة من قاد حمـر الطوابيـر
ومن فتح البيبـان يـوم الزحامـي=ومن كسر البيبان واطفـأ الفنانيـر
ومن ورد الهياب حوض الظوامـي=وشرب وسقاهم على جمـة البيـر