قصيده موجهه للواء/كتاب الروقي للشاعر مصلح بن عياد...

[بدر الشلوي]

قصيده للشاعر/مصلح بن عياد الشلوي موجهه لسعادة اللواء/كتاب الروقي والذي قام بدوره بواجب أبن عيّاد بيَض الله وجهه...

يا الله يا سامع دعى المخلوقي=يا جازي الآحسان بالآحساني
حالي ومالي وآجلي وحقوقي=بيديك يا رزّاق يا مناني
سر يا قلم وأكتب على الصندوقي=الأسم والتاريخ والعنواني
شاعر ورجل ومصدري ماثوقي=امن الشلاوى خالي وعماني
و الحارثي جدي وساس عروقي=والحد من ميسان لا سلواني
واللي يحاسبني على منطوقي=ما في ضميري يسمعه بلساني
يا بنت ياللي تلبسين الطوقي=لا تعشقين آلا من العضّياني
قومٍ ليا جاء للسوالف ذوقي=آلاد روق مزبنين الجاني
أنا دخيلك يا كتاب الروقي=تراك من قومٍ تشيل العاني
برقا وروق متيهين النوقي=ترعى الخطر وتباري الغزلاني
في ظل خيلٍ تطمر المشقوقي=بظهورها سربه من العتباني
لا حوّلوا بمصقلٍ مذلوقي=وصاح الصياح وركبوا الفرساني
خيّالهم يسبق ما هو مسبوقي=ترتيبه الآول ما هو بالثاني
عتيبه الهيلا رعد وبروقي=نوٍ عروضٍ مدلهمٍ داني
هبايب الغربي تسوقه سوقي=لين السيول تلاطم الجيلاني
تكفى ترى دمّي جمد بعروقي=شابت عيوني من كثر ما جاني
هذي سنه وأنا ألعب الطاروقي=ما غير يا لاحي ويا ليحاني
ما كنّي آلا سارقٍ مسروقي=أركض من الخدمه ليا الديواني
أما بلشنا بحضريٍ لوقي=وآلا بدويٍ مجنده ملياني