دنياك هـذى ماصفـت للقديميـن!!

[مشعل بن حويد]

يعتبر الأمير مناحي الهيضل(رحمه الله) من الشعراء المقلين ولكن له هذي القصيده اللي تعتبر من نوادر الشعر

والقصيد سبق وان طلبتها هنا فالهيلا ووافاني اخوي الهيضل بابيات منها

وهالحين وقدرني الله ولقيتها كامله وجيت انقلها لكم

لقيت قافـا مـا لقـوة الذهاهيـن=كودًا على غيرى وخذتـه فراسـة
ورديت من بالي لعقلـي تثاميـن=ولا نيب من قلبا هوى به عطاسه
وليت المراجل تنوزن بالموازيـن=وكلا علـى قـدره يقنـن قياسـه
حتى يبين اللي له الناس غاويـن=و يفهق عن الطيب رجال النقاسه
وترى المراجل بينـه يامساكيـن=يا بينها للـي بـرا سـة حماسـة
يرخص بمالة في القسي للمقليـن=ولا جا نهار الكون يركض عماسه
وترى الردى لوكان ماله قطيعيـن=يجيك ماله مثـل نبـت الهراسـة
يبخل على نفسه يبوب المواعيـن=مثل الحبيني فـي ترابـه لحاسـة
مخطي من الدنيا ومخطي من الدين=وعاجا على درب الردى والخساسة
المـال عنـد البينيـان المعافيـن=والحظ وهبه ما يجـي بالفراسـة
شم وتشيم عن طريق السفاهيـن=والعقل سلطـان لسانـك حراسـه
محفوفة عسـر الليالـي بيسريـن=ولا خضر عـود مرقبلـة يباسـة
دنياك هـذى ماصفـت للقديميـن=ملعونة الدنيـا ولافيهـا أ ناسـة
نوب طرب فيها ونـوب حزينيـن=ومن لا فتتكر فيها ردي خراسـة

ودمتم