خليفة المسعودي المرحوم**فواز ولاواحد ثاني (سلطان الهاجري وفواز السعيدي) جديد

[صقر مكه]

من اجمل المحاورات في الطايف هذه السنة


,,,,,,


سلطان الهاجري

عندي سوال ومقتفيه علوم *** وابغا جواب فلان وفلاني

خليفة المسعودي المرحوم*** فواز ولا واحدٍ ثاني


فواز السعيدي

منته من علوم الوفا محروم *** واخذ الخبر من قلب ولساني

ان قلت انا ماقلت لي مظلوم *** شهادةٍ من راس سلطاني


سلطان الهاجري
اليانسيت الشايب الزيزوم *** مالبسك خاتم سليماني

انته نجم لكن وراك نجوم *** واكبر نجم هلحين زعلاني

فواز السعيدي

الشايب اللي تقصده مخدوم *** قصدك تمشكلني مع اخواني

وانا وابن عمي نضد القوم *** بالله علم روس قحطاني


سلطان الهاجري

ماتلحق الشكه شيوخ الروم *** اللي لهم بصمه وعنواني

لولا جناحي ماقدرت تحوم *** لكنك اذكرني لاتنساني


فواز السعيدي
اهب ياذالشاعر المسموم *** راكب على صاروخ ياباني

ماناخذ الاقسمنا المقسوم *** وابو محمد رجل حقّاني

سلطان الهاجري
ماخلقت الدنيا بليل ويوم *** قدامك الميدان ميداني

كم واحدٍ قبلك يشن هجوم *** لكن والله ماتعداني


فواز السعيدي
قدام نمشي خطنا مرسوم *** جاك المطر من غر الامزاني

انشهد انه مايجيك اللوم *** زندك قوي وبعيرك عماني


سلطان الهاجري

رسالتك فيها ثلاث ختوم *** مني ومن ربعي وصحباني

اقول يافواز صح النوم *** مار البلا فواز ما اوحاني


فواز السعيدي
ماغشنا الا الصاحب المزكوم *** ياليت ماجيته ولاجاني

العج ثاير والطيور تحوم *** وانته تزعلني وتحداني



ـــــــــــــــــــــــــــ


وان شاء الله قريبا ندبر الفيديو