تلعب الكره سوى مع نايف الهزازي ,,,

[عيد بن مرضي]

السلام عليكم

قبل كل شي اتمنى الدعاء للشاعر الكبير جارالله بن وصل

قبل يومين كان لي الشرف بمحاوره ومجاراه مع الشاعر الكبير جارالله بن وصل السواط

وكان الشاعر جارالله سريع البديهه والرد ,, واتعبني بسرعة الرد بيوته على طول جاهزه

قاموس شعري يضم من الكلمات والقوافي والبحور مالله به عليم ,,

ويعلم الله كنت اتمنى إنّ الطاروق ينتهى باقل الخسائر ومما لاشك فيه إن الفايده لي

والشاعر جارالله حب يعطيني درس لا اقل ولا اكثر

جارالله بن وصل=
مرحبا عد الحروف وكل حرف بنقطه=والرجال الهم وجوب ومجلس ومركازي
انت شاعر نظم ولا محترف فالقلطه=وانت تعرف مقصدي يالشاعر الممتازي
عيد بن مرضي=
البقا واهل المواقف ماتجيب الغلطه=والرجال في كل حاله يالشجاع اعزازي
من يبى درب السلامه مايطيح فورطه=والكريم الله عطاه ويعطي المعتازي
جارالله بن وصل=
يعلم الله مانحب العالم المنّحطه=ابعد المغزى وانا بغزي معك يالغازي
اثر عندك سر يومنّك غلطت الغلطه=تلعب الكره سوى مع نايف الهزازي
عيد بن مرضي=
والله إنّي معك مير الصوت بالله وطه=من يشب النار نار ومن يجيب القازي
صاحبي لن زاد ضغطه كود تجيه الجلطه=كان له قدره ويقدر يلعب الجمبازي
جارالله بن وصل=
ليش تصحب ناس مثل السبحه المنّّفرطه=وانت عندي مثل ضلع طويق مايرازي
عن سوالفكم يعلمني مدير الشرطه=والسوالف كلها صوره على بروازي
عيد بن مرضي=
اعرف اللي شال حمله واعرف اللي حطه=والحديد حديد يومنّ القزاز قزازي
السوالف جابها بالكاش ولا قطه=من يجيب اللغز حنّا نعرف الالغازي

وسلامتكم

آخر تعديل عيد بن مرضي يوم 20-Jul-2011 في 11:34 PM.