مستور العصيمي وحبيب العازمي والميزاني أحداث دراماتيكيه !!!

[سلطان البقمي]

المشاركة الأصلية كتبت بواسطة راعي حميا

يا سلطان البقمي
أنت ما قصرت جبت الطاروق
بس نبا منك تبين على أي أساس أصدرت
الأحكام التالية :
الميزاني حط مستور في زاوية ضيقة
مستور نوى يضيع الميزاني
الميزاني يجربع مستور على قولك
نشب مستور معه
مستور يراوغ

لأن الطاروق في سياقه كما أراه عليك وليس معك ,
والمسألة تراها وجهات نظر .....
بس أنت ضروري توضح وجهة نظرك , لأنك أصدرت
أحكام لا بد لها من توضيح .
ووجهة نظرك الآن تهمنا جميعاً .

راعي حميا والله كلامك كلام رجل فعلاً يبي الحقيقه صراحه ماعندي مشكله اشرح عشانك والحمدلله الطاروق مافيه سلبيات مضمونه تحدي شعري





عبدالله الميزاني

يامرحبا عند من جينا على شانه( هذا البيت رحيب عادي
فواز ماكل من جيله يساوي له

عيال ميمون حد السيف وسنانه
حتى العصيمي يعد اللي نساوي له(عيال ميمون جمعونا في الحفله ولقيت مستور ابي اشوف علومه


مستور العصيمي

الك البقاء ياحصان جو في ميدانه(رد على الترحيبه )
يالطيب اللي تناسبني تماثيله(مدحه في شعره في هذا الشطر)

من يوم ماقابل الديان ديانه(هنا فرد عضلات بقوه بس شوف متى تختفي وليش اختفت
يومي لك الخير يالشاعر وتومي له


عبدالله الميزاني

براطم ناشفه وبطون جيعانه(رد على البيت حق المدح يقول لازم نعزمك وتاخذ مصلحتك
لكن مستور غالي وش نسوي له

لا تسكن الغار وانت تشوف ديبانه
يحبي لك الموت من قدام تحبي له(هنا رد على فرد الضلات بمعنى لا تدورها تجيك


مستور العصيمي

لا تقرب العود ابوشعله ودخانه
يبدي لك الصبح من مشرق وتبدي له(هنا يقول لاتحدى لازال مستور هجومي

لن كان طامع بقلب الرجل ولسانه
اخر زمان العرب تكثر تهاويله( يقول مابقي الا انت تطمع فيه وهذه من مصايب الزمن )

(بس وش غير هجوم مستور؟؟ تابعو معي)


عبدالله الميزاني

راحت نجوم المجره الشام وكنانه
واللي معه حيل مايقدر على الحيله(هنا يقول راحت قوتك ومنت قادر على التحدي)

من لا تبا تعرفه حاول بنسيانه
يصحي بك اللي تعرفه قبل تصحي له( حاول تجوز عن هجومك كنك ماتعرفني تراني بلتفت لك جنب عن هجومك)


مستور العصيمي

ياراعي البيت ليش تصك بيبانه

واللي يدورك يتعب وا بهاذيله(ليش هذا البيت شطح عن صلب المعنى؟ يبي يضيع السالفه بقوله اللي يدورك يتعب .يعني اللي يبي يمشي معك في المعنى معانيك غامظه (مجرد حجه)

انا ليا اوحيت كلمه مالها خانه(وين الكلمه اللي مالها خانه؟ماحصناها من سوار..وين راح الهجوم كيف انحرف مستور بهذه الحجج؟)
يشتالها راعي الكلمه بزنبيله


عبدالله الميزاني

العش مايحتوي به غير عيدانه( العش الصدر مافيه الا ضلوع ماش فعل ضيعت علومك
ياشارع انكاس ياكبري معيزيله

اللي يولع في بيته ضر جيرانه( البيت يقصد هجومه وبعدين غلق في ثواني والجيران الشعار اللي يسمعونه ويشهدون ..قبل امس .كنت قوي اما الليله ماش)
قبل امس والبارحه ماهو كما الليله


مستور العصيمي

كما يقول المثل وقت وعوانه( وين شاطح هذا البيت؟ج- مجرد رد فقط
ياما اقشر ابا الحصين اليا رفع ذيله

الناس تلعب وتضحك منك طربانه( تقليل من شاعرية سوار والهدف حجه ليس في سياق هجوم مستور السابق الهجوم تلا شى ونتهى)
والكيف مايدرج في فناجيله


عبدالله الميزاني

مع كل سلطان غش ودس وبطانه(كشفها سوار مع كل سلطان يعني انت شاعر كبير لكن من يصدق انك ضاعت علومك وصررت تروغ مثل ماقلت الحصني
وابا الحصين إحي له للي يحالي له

تجيبها فارغه وتروح مليانه
ياويل مستور هذا الليل ياويله(وضح السالفه اكثر اول الليل تهدد والحين ضاعت العلوم اكلتها وروح بس)


مستور العصيمي

حصلت سلطان ماحصلت سلطانه(هل هذا البيت مايدين مستور ؟هههه معكوس تماماً على مستور من نفسه لنفسه)
واليا بغيت ادخله ما اروع مداخيله

الليله انا كما اللي يلعب الدانه
ماعاد يمدي تحط الحمل وتشيله(يعني انا خاصمك مايمديك تنكر(مجرد حجه)


عبدالله الميزاني

الوقت خربان واكثر ناس خربانه
يجيب مستور واخوانه تودي له(هنا رد على بيت مستور اللي معكوس مبي اشرحه

غيرك يامستور يبغى رش وصيانه
حتى الزبون العظيم اللي يجيني له(هههههانت مقبول اشوا من غيرك بيت نكبه في حق الشعراء


مستور العصيمي

لقيت فوق الرحى عشرين طحانه
واللي تخيله معك مستور ويخيله(والله مالقيتله تفسير صراحه اضن مجرد رد)







هذا الشرح حسب مفهومي وقد اكون غلطان لكن مالها عندي تفسير اخر اطلاقاً