فالح الغنامي يجيب على أسئلتكم وإستفساراتكم

[فالح الغنامي]

المشاركة الأصلية كتبت بواسطة علي الثبيتي

ابك ابك الربع ماخلو لي سوال ؟؟

ارحب تراحيب المطر يافالح

وعندي سوال واحد فقط واريد الاجابه بدون مجامله

كنا في حفله في مكه والشعار مطلق الثبيتي وصياف الحربي ومستور العصيمي
يوم يقول حبيب يانار شبي على مطلق ومستور // وان مر صياف شبي في ثيابه

المهم كان فيه نقاش بينهم قبل العشاء قال صياف الله يرحمه ويش رايك يامطلق اقوى حبيب العازمي

والا ملفي المورقي في فهم المعنى والنقض والفتل

قال مطلق رحمه الله حبيب شاعر ذكي وفي الفتل اذا كان البدعه منه قوي

وملفي قوي في الفتل والنقض وفهم المعنى وشاعر شرس

ضحك صياف قال الله يخارجنا منكم يالعتبان

سوالي عن مستور العصيمي ورشيد الزلامي

الزلامي قوي في الفتل ولكن النقض يقول الكثير من المتابعين ان مستور
اقوى من الزلامي وخصم عنيد وخاصه مع الشعار من خارج القبيله

نبا رائك يابو نقا بكل صراحه وبدون مجامله

وتقبل تحيات اخوك
ابوفهد

اخي علي الثبيتي

البقاء هيل عد السيل



واللي ابغى اقوله لك يالحصان والله انك منعتني من الاجابه او اني ابدي أي رأي فيهم لأن مطلق الله يسكنه فسح جناته من حقه انه يقيم اي شاعر ويتكلم عنه ولا بعد كلامه كلام .


ولو كان مطلق ماتكلم عنهم يمكن اجيك مدرعم هههههههههههههه واروح انقد مستور ورشيد وحبيب وملفي على اني مطلق على غفله

هههههههه


ولكن ماودي ارفض لك طلب وان كان لا بد من رأيي فيهم بيجي ان شاء الله اليوم اللي اقابلك فيه وجها لوحه وانتناقش في الموضوع حتى وصل العطياني نحطه معهم ههه.




واعذرني مع حبة خشم .