من سليمان الشدوي الى محمد عيضة ...

[فهد الزهراني]

نشرها سليمان اليوم

طبعا سليمان الشدوي ومحمد عيضة كلاهما شاركان في مسابقة شاعر الملك وخرجا من المرحلة ماقبل الاخيرة ..

هذه القصيدة من سليمان لمحمد عيضة تعبر عن نفسها


العظيمه/ يامحمد/ ماتثمــنـــــهـا البرايا
العظيمه طول عمر احساسها/ تبقى عظيمه

العظيمه / ترتكي لليل /واحلام الزوايا
تسري بموج الفكر / للنور/ والفجر ونسيمه

لونها/ يلمع مع الفيروز/ باعناق الصبايا
ترسم الفرحه / بسحر اللون /في ثغر اليتيمه

اذهلت /من لاقدر يخفي بحضرتها/ خفايا
واثقلت /كاهل (ضعيف النفس) منقوص العزيمه

ماعليك / ان جارت الاثقــال / بظهور المطايا
وماعليك /ان قالو( خطوط الدواير) مستقيمه

الخلايا /اللي يطول بها العمر/ تنتج خلايا
تاخذ الجينات طبعاً....من خلاياها القديمه

لاتخاف / على (الطموح )اللي لها عرق/ ومزايا
لو حداها الغدر/ واهل الغدر/ في لحظه اليمه

يامحمد وانت شاعر كفو / وكفوفك رهايا
واصغر احلامك قصيده في (هجير الصيف) ديمه

ارجف بصوت ً ليا منّه رجّف سوى سوايا
واحلم بسيفً /يرد الظالمين /عن الظليمه

لو نعدّل /كفة الميزان/ ميزان النوايا
ما اصطبح /وجه الغشيم/ الا على وجه الغشيمه

ولو.. نطق عبقر / ولد عبقر / على روس البرايا
قال روحي ياعظيمه / واغنمي كل الغنيمه

لكن الجغرافيا /والجبر/ جبّار العطايا
جبر قلب / وجبر كسر / وجبرعقل /وجبر قيمه

قاضي التحقيق/ لو نعرض عليه اربع قضايا
ماقدر ينصف خصيمـً / ضاع حقه / من خصيمه

اختلف / مابين مفهوم العداله / والوصايا
الوصيه بالعداله / والعداله بالجريمه

ويامحمد/ لو يموت الشعر/ من كبر الخطايا
ماتسلسل من (ربيع البحتري) لحظه حميمه

ولا تشكل من من( جنود الشعر) للعاشق سرايا
ينتخي فيها بلا صوت /وتجيه بلا وليمه

العظيمه /ياطويل العمر /خانتها المرايا
والمرايا/ حدّبتها/ شهوة النفس السقيمه

والامل في هاجسً / يقدح من احساسه شـظايا
والبقا في راس (راس الِشعر) ماهو في نظيمه