مساكم الله بالخير
نسمع دائما بالبيت اللذي يقول
( الولد وإن طاب قالوا من خواله ) ولاكن لانعلم من قائلها !! ولقد استطعت الحصول على القصيده والحصول ايضا على شاعرها فهي للشاعر المرحوم / راشد بن حسن بن الذيب العجمي !! ولقد اشتهر هذا الشاعر بحبه لمساعدة الناس !! والقصيده هي كالتالي :
قالها إبن الذيب من هاجوس باله=..كلمةٍ يلعب بهـا والبـال زينـي
قالها يومه طرالـه مـا طرالـه=.من هواجيسٍ تشيب المرضعينـي
غرّني بعض الرجال بكثر مالـه=مادر ى إن الموت في حبل الوتيني
كيف ينفعني وبعض الناس خالـه=ما يدوم البيت كان الساس طينـي
ماش وين اللي عوايـده الشكالـه=مثل إبن ظافر حمد ليته يجينـي
الثنا والجـود دايـم فـي خيالـه=علّمـه ظافـر سلـوم الطيّبينـي
جـوّد العليـا ولزّمهـا عيـالـه=.و أدركوا من علمته دنيـا ودينـي
واهني من باع حظّـه وإشترالـه=سار في درب النبي وأخزا اللعيني
موقفـه ماكـل رجّـالٍ ينـالـه=ومن بغا ممشـاه يقعـد مرّتينـي
وكم ذبح من حايلٍ من حر مالـه=وعادته لطمة خشـوم العايلينـي
حالفٍ ماخذ على الطرقي ريالـه=وبالثلاث محرّم إنها مـا تجينـي
لا لقيت اللي على السكّـه لحالـه=يلتفت ويقول : وين المستحينـي
أوقف الموتر حيا وأبغا الجمالـه=.يوم ولد اللاش وجهه مـا يلينـي
والطمع في كرّوة الرجلي رذالـه=خصّ به وإن جا مجال الغانميني
والردي في حالةٍ ماهيـب حالـه=يا عوينه مـن كـلام الطيّبينـي
الولد وإن طاب قالوا : من خواله=بالخوال يسـال قبـل الوالدينـي
وأركبه لعيون مـن زيـنٍ دلالـه=ما تحاكوا في قفـاه الرامسينـي
ما بغى غيري وأنا مابغـا بدالـه=قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه=ناخذ العليـا طريـق الفايزينـي
وأشرب الفنجال وأكـب البيالـه=تابـ عٍ سلمـي سلـوم الأولينـي
ملاحظه : لقد كتبت عنوان الموضوع بشكل خاطئ ارجو التصحيح من الاخوه المشرفين كما التمس منكم العذر على هذا الخطأ .
تحياتي
« آخـــر الـــمـــشـــاركــــات »
30-Sep-2005, 03:14 PM
الولد وإن طاب قالوا من خواله < راشد بن الذيب > .
العرض الشجري