هـــ برقع ـــــلا

[جح للبعارين]

بسم الله الرحمن الرحيم

قصيده وليست قصيده بس الوكاد إنها قصيده .............

يا حي منطوق التليع الغض منسـوع الجديـل = يوم هرجت لي من ورا البرقع وقالت لي هـلا
قالت هلا واغضت برمش ٍ كنه السيف الصقيل = وانا ومن خرس العيون الناعسه ذقـت البـلا
عين ٍ كما عين اشقر الجنحان والمعنى جزيل = حر ٍ شلع من كـف صقـاره تعـلا واعتـلا
قالت هلا مير انت طرقـي ياولـد والاَّ نزيـل = والاَّ من اللي يشعبون الرجـل يتلـون الكـلا
قلت الهلا كل الهلا يا بنـت حمَّـاي الدخيـل = فيك الهلا والقلب من رمشك لك الله ما سـلا
انا عطيب ولا لمثلي طـب يالخصـر النحيـل = وش عاد لي حيلة ليا شفـت القـوام معـزَّلا
انا غويت ولا تبين لي على وصلـك سبيـل = يا جيرة الله من نصيفي منـك ياريـم الفـلا
وا بوك في مثلي تجمل لا تجي تكفـى بخيـل = اما يجي شي ٍ على وضـح النقـا والاَّ فـلا
قالت ترا لي بالهوى ياهيه مطـروح وقتيـل = من ناش قلبه رمشـي الفتـان لله مـا تـلا
قلت الهوى ما قد تخلّص به عميل ٍ من عميل = خابره انا هم ٍ يهين الحـر مـا بيـن المـلا
قالت تركَّد يا سليم القلب والمسـرى طويـل = ما للغشيم بساحة العشَّـاق يـا هيـه وكـلا
قلت آه لو تدرين وش قلب المعنى لك يشيـل = يا سبة الجرح الجديد اللـي علـى قلبـي ولا
جرح ٍ سطا بي من مجيي دار من شب الفتيل = هاك الديار اللي جوازيها علـى الحـر اتعـلا
دار ٍ ربا فيها نظيف العرض ابو طرف ٍ كحيل = دار السعد غنَّى بها طيـر الربيـع ولا جـلا
وجدي على ممشاي فيها بين مسراح ومقيـل = واليا صفا لي جوها سَّيرت والمقصد ( هلا )