مسيلمه ...ونائبه!!!

[فهد الزهراني]

دام السوالف دين والهرج محسوب=لا بد من يوما ترد المظلمه
واللي هرج كنه مضرا ومغصوب=اعصابه احرقها بصمتي والطمه
انا ادري ان مسيلمه رجلا كذوب=من الذي يجهل كذاب مسيلمه
وآنا ادري انه من كذابه مايتوب=من صغرته والكذب يجري في دمه
وان كان غاب مسيلمه غيره ينوب=ويقوم بالواجب زعيم الشرذمه
يعيب خلق الله وهو كله عيوب=وبضاعته ما غير كثر النمنمه
لو كان تنشد في الشمال وفي الجنوب=اسمه يجي دائم بذيل القائمه
في حزة الواجب يقصر في الوجوب=ويبور بك عند الرجال الغانمه
رجال واكثر بس في غتره وثوب=وان جيت لافعاله قليل الخاتمه
آنا ادري الرديان لو سوّت قروب=تشوفها بكره وهي متخاصمه
وان طالت الرحله وتاهت بالدروب=يجي لها ساعة وترجع نادمه
هذي النشاما تجتمع من كل صوب=وايدينهم بيدي بعض متلازمه
لأهل الوفاء تبقى المحبة بالقلوب=من حشّم اهل الطيب كلا حشّمه
ومن عاش بين الناس ماهو بمحبوب=لامات ما احدا قال يالله ترحمه
فهد الزهراني=