مجالسي (قالوا صديقك)للشاعر / فهد رحيم النفيعي

[الشاعر فهد رحيم النفيعي]

مجالسي ( بعنوان قالوا صديقك ) بقلم وصوت الشاعر / فهد رحيم النفيعي

قالوا صديقك قلت ما هو صديقي = اللي ليا صعبت يضيع طريقي
يا ما وقفت وقلت هذه رفيقي = ولو لا مواقيفي معه فالزمن ضاع

.................................................. ..........................

يا ما سهرت الليل نقضي لزومه = ويا ما تبا شرنا بساعة قدومه
ويا ما تشركنا معه وفي همومه = أثره لقول الكذب فالوقت سماع

.................................................. ..........................

من سبته عاديت أنا أصحاب و اقراب = و هو على كيفه يفتل فا لاشناب
كــــــلامه ملـو ويلــعب بالأعــصاب = ويلعب بنا ما بين مصيف ومرباع

.................................................. ................................

أعامله بعطف وأعطيه روحي = كنت احسبه بلسم ويشفي جروحي
أظهرت اله فالوقت وخفيت بوحي = وأثره يجمعها من أشكال وأنواع

.................................................. .................................

مرّت شهور أيام وهو يجامل = وقام يتغير في جميع التعامل
ويرتب بعلمٍ جديدٍ وعامل = صديق مخلص معه وردٍ ونعناع

.................................................. .................................

يأهل الفكر والجاه كيف الصداقة = اللي على المنهاج عهد وثاقة
ما هي سخافة لا ولا هي حماقة = من ساسها تبنى على ودّ وقناع

.................................................. ..................................

معاد فا لأيام هذي غرابة = راع العقل والفكر يفقد صوابه
من قل ماله ضاع محدٍ درابه = وضاعت حياته بين عمه والأوجاع

.................................................. ..............................

كلمة صداقة يا كبرها على اللي = حفظ معانيها وعلمه يسلي
لا احتجت اله يجيك كأنه مضلي = هذه حطه بين قلبك والأضلاع

.................................................. ..............................

استمع من هنااااااااااا

http://www.m5zn.com/files-0219110902...475wwdu7wvwyy- صديقك مجالسي.mp3