أبو ثمانن بابها يغلقه توت

[ماجد المحياني]

مساء الخير

أبيات للتواصل بعد غيبه عن المنتدى الرائع نشرت لي بجريدة الرياض

دمعه ولكن لجت بداخلي صوت = صوت الضرير اللي جفته القبيله
تشوته الأيام تحت الفقر شوت = والحظ مقفي والأماني قليله
حبل الرجا له عام من يده مفلوت = ولا عاد باقي لبيض الرأس حيله
يسريبه الهاجوس والهم مكبوت = في جوف صدرن تحتميه النحيله
يصرخ بعد مادق بيبانه الموت = والجوع يبرد في حياته غليله
هاذي دموع اللي على القلب منحوت= أسمه و وسمه والشواهد دليله
أبو ثمان بابها يغلقه توت =أبو العيون الناعسه والكحيله
أرضيه وأدفن ضيقته جوف تابوت = وأطفي قناديل الحزن والفتيله
وأهديه روح دونها شهود وثبوت =تشري الرضا ولا العنا ترتكيله
وأن كان عاد الدمع ولا أزعج الصوت = بصمت وأعوض ليلته بألف ليله
وأضم صدره ضم من يلبس الكوت = وأترك سنين العمر لو هي طويله

ماجد عبدالله المحياني