الله من همـن بروحـي كوانـي=كيت خفا بين الضلوع المهاديـف
همن سطا بين الضلوع المحانـي=بقصا الضمير ولاجين بالشراشيف
البارحة مانمت لو هـي ثوانـي=ودموع عيني فوق خدي ذواريف
ياتل قلبـي تـل دلـو السوانـي=وياطي حالي طي ماهي سواليف
على اللذي روح ولاعـاد جانـي=اقفا وخلانـي كثيـر التحاسيـف
اقفا مـن الدنيـا عيانـن بيانـي=يالله ياوالـي عليـك المخاليـف
مع درب عمـه يالله المستعانـي=سبعة شهورن بينهم عد يامنيـف
عسا الثنينه فـي نعيـم الجنانـي=برحمتك يامعبود وال التصاريـف
تجعل لهم يارب عنـدك مكانـي=بين الجنان اليانعـات المقاطيـف
ياوالي القـدرة عظيـم الكيانـي=اجبر عزا قلبن همومه مراديـف
مادبر المولا على العبـد كانـي=وماراح راح ولاتفيد التحاسيـف
دنيا الفنا مابـه عليهـا ضمانـي=صكاتها تفجـع قلوبـن مواليـف
« آخـــر الـــمـــشـــاركــــات »
20-Jan-2011, 01:40 AM
الشاعر/ سلطان العرط يرثي ابنه عماد سلطان العرط رحمه الله
العرض الشجري