سمعتلي هرجةٍمدري وش اقصاها

[فهيد مقعد الرويس]

السلام عليكم ورحمة الله وبركاته
هذه قصيده مهداه للمنتدى وهي لشاعر عبد الله ابن زويبن الحربي
اليكم القصيده

سمعتلي هرجةٍمدري وش اقصاها
حزة بصدري واناماني بهارجها

لو كل كلمه ليا جتنا طر د ناها

بعنا الثمينه بسعرٍ ما يخارجها
لو مرة السمع ماكنا سمعناها
ونقفل الراس عنها لايبرمجها
ومن يم هذا لهاذا ما نقلناها
الناس واجد وتلقا من يروجها
ومن جابها بين خلق الله وداها
لوبه مراجل ترى نفسه يسمجها
ومن عاملا الناس في سابق خطايها
يقعد بدارٍ خلا ماداج دايجها
في كنةٍ تشوي الجربوع رمضاها
تابس غصون الشجر من حر واهجها
والناس بلحق حكم الشيخ مرضاها
ماترضي الناس لو انك اتحججها
يلي تبى الطيبه خذها وعطناها
خل الطريفه طرية لا تثلجها
واقظب طريق الاوادم وامش ممشاها
اتبع ادروب العرب وانهج مناهجها
وارسم النفسك حدودٍ لاتعداها
من حط نفسه درب الضيق يحرجها
وانكان نفسك هواها قام ينحاها
حط الاعنه بروس الخيل واسرجها
فكر ابمنكافها قدام مغزاها
واضرب حساباتها واتشوف ناتجها
كلن بعضده يموح الدلو برشاها
وتلقا اكبود الضوامي من يبرهجها
وانكان توك على صدرك تهجاها
حنا ترانا اندرس في مناهجها
من يم مسراحها نبعد امعشاها
الياقعد راعي الضالع يدرحها
لو هي صعيبه اليا انعاجة عدلناها
والي تجي مستقيمه ماانعروجها
نهتم في وزنها وابرام معناها
ومن الكرستال واللولو انتوجها
مثل الجواهر اليامنا نضمناها
واسلوكها من جديد الزري ننسجها
مخايلن ترتدم والصدر منشاها
لادك بلبال داكوكن يهيجها
واليامطرة ضاقت الوديان من ماها
تاخذاليا الحول ما يبست مدارجها
ان صدت الناس عنا ماعترضناها
ماتقفي الناس عنا وان تولجها
وانجاتنا الطيبه بالطيب زدناها
الطيبه بالعسل والسمن نمزجها
وان جاتنا الثانيه نصبر ونرفاها
يمكن اليا فاق راعيها يعالجها
وان عادها عودةٍ ماعاد ينساها
من حربةٍ في صميم الصدر نولجها
مسمومةٍ يبلش الدكتور بدواها
مايقنع الخبل ليننه يلامجها




والمعذره اذاكان في القصيده بعض الاخطاء العفويه

ولكم تحياتي