حوار بين ابن وأبيه

[ابـن نـعـيـس]

السلام عليكم ورحمة الله وبركاته



حوار بين ابن وأبيه




الابـــــــن

يا ابوي أنا جيت لك والنفس ندمانـه
وفي القلب نار تشب وتشعل أشعالـي

ولدك تاه الطريق وكثـرت أحزانـه
وشرب المراره وغيره يشرب الحالي

الأب:

رح خل ينفعك من طاوعت شيطانـه
صاحبك راعي الوفاء اللي ماله أمثالي

صديقك اللي يعـدك ثالـث أخوانـه
وشلون خلاك وقت الضيق للصالـي

الابــــــن:

يا ابوي عطفك رميت الروح باحضانه
ونثرت دمعه تجي لنشـاب الأهوالـي

لا عاد تذكر لـي الماضـي وخلانـه
راحوا وشفني وحيد جالـس لحالـي

الأب:

غرتـك دنيـاك والأيــام خـوانـه
رضيت بالصحبه الحسنـه بالأنذالـي

وأغضبت أبوك وفضحته بين جيرانه
ونزلت راسه وهو فيما مضى عالـي

الابــــــن:

أنت السبب في الخطأ وأنا أدفع أثمانه
أهملتني وانشغلـت بجمـع الأموالـي

خليتنـي للهوى وابليـس وأعـوانـه
يلعبي الجهل من جـال الـى جالـي

الأب:

أنا أجمع المال وأتعب حيلي من شانه
قرش على قرش وريال على ريالـي

واشري لك اللي تبي من وسط دكانـه
وتختار سيارتـك لوسعرهـا غالـي

الابــــــن:

يا ابوي أنا جيت والعينيـن غرقانـه
تائب عن الذنب وارجي رحمة الوالي

السجن قطع فؤادي صمـت جدرانـه
وظلمة زواياه عنها موتـي أشوالـي

الأب:

تعال ياروح أبوك ونبـض وجدانـه
لا عاد تشكي وتبكـي يابعـد حالـي

الذنب ذنبي وصار وشفـت برهانـه
وقررت أخلي الطمع وأهتـم بعيالـي

الابــــــن:

أستغفـر الواحـد المعبـود سبحانـه
ومن رفقة السوء أحذر كل الأجيالـي

وانا اوصي الأب من فضله واحسانـه
لا تشغله عن عياله كثـر الأعمالـي

التوقيع