إلى مقام سيدي خادم الحرمين الشريفين..

[عيضه الثبيتي]

إلى مقام سيدي خادم الحرمين الشريفين آطال الله في عمره وحفظه من كل مكروه



:

:

:

سلامات ياراسً ما فوقك ولا راس=يقع رؤس ضلعان الحجاز الطويله!!
وسلامات يا يمنىً غمر جودها الناس=مثل مايغمر الارض وبل المخيله!!
وسلامات ياقلبً على الشعب حساس=وسلامات ياراع الصفات النبيله!!
وسلامات ياقصرًا جداره على ساس=وسلامات يادار السلوم الأصيله!!
عداك/ الألم والهمّ والغمّ والباس=وعدتنا /الليال اللّي علينا ثقيله!!
يابو متعب أنحبّك بلا حدّ وقياس=ولو يشال عنك الباس حنا نشيله!!
تسابق عليك الشعب من كل الأجناس=وربعي تسابق لك قبيله قبيله!!
وحنّا نتابع واس ماهو لجل واس=لعلّ وعسى علم ٍ يبشر دليله!!
واملنا بربٍ رحمته تغلب اليأس=ونكثر دعانا فالليال الفضيله!!
ياحصن الوطن/يالدرع/يالسيف/يالطاس=ياخادم بيوت الله خدمه جليله!!
لعل السعد يبراك مع كل نسناس=وعسى أيام عمرك/طال عمرك طويله!!

:

:

:

:

عيضه الثبيتي

10/12/1431هـ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131