معجب العتيبي
مرحبا مرحبا باللي يطول غيابه==وان حضر سبب الزحمه قبل لايغني
ضيع العمر في دربٍ غريبٍ مشابه==يحسب المجد يوخذ بالرجا والتمني
ناصر المرشدي
البقاء في محيط المعرفه والمهابه=والخبر عن شعوري في حجاجي وسني
مامشينا طريق ماحسبنا حسابه =اسمع العلم مني وانقل العلم عني
معجب العتيبي
ابتسامات خلق الله ياناصر غرابه=ماعتقد تظهر اللي بالخفا مرجهني
يعجب المودماني كل دربٍ سرابه=وان نصحته يقول العلم مبداه مني
ناصر المرشدي
النوايا نوايا والاسامي تشابه =وانت نيتك زيينه كان ماخاب ضني
مانشدت الثريا والقمر والسحابه=من وصل غايته فالوقت عاش متهني
معجب العتيبي
قلبك ابيض ياناصر بس ماحدِ درابه=غير انا والخوي اللي تقول (متحني)
كيف تاصل قبل تبدا ولوهي نهابه=هيه يالمرشدي والله ولو كنت جني
ناصر المرشدي
ياحليلك تذكرت الهوى والصبابه= (يعني اني) خبير فالهوى (يعني اني)
كل سيفِ يسل وسلته من نصابه=يابعير على حيد الصفاه متثني
معجب العتيبي
ياضيوف اشهدولي واشهدوا ياعتابه=ناصر يحرف الموضوع ويقول مني
فعلته لو درا عنها قريب القرابه=جا معي شاهد وخلاه جالس يوني
« آخـــر الـــمـــشـــاركــــات »
19-Oct-2010, 03:47 AM
العرض الشجري