قصيدة تحكي عن الإرهاب(الشاعر خلف محماس العصيمي)

[خلف محماس العصيمي]

طرقت باب القصيد وفك بيبانه=ودخلت معهن قديم الصبح بشويه
وكانت بيوت الفرايد معي سهرانه=من كذب العلام وفعول ألبطينيه
ياديرتي لو يموت الغرب بحزانه=بالمال نفديك والروح الفداويه
حنا هل العهد ماحنا بخوانه=لو جاك من شرذمة شعبك حفوفيه
يا خاين الدار عقلك وين ميزانه=تصدق أعداك با لام الحنونيه
عقب صبين يخون ويغدر أوطانه=هذاك ماله مع أهل الطيب خلفيه
يا قادة الدار يسقفه وسيسانه=يا لي عليكم من المرحوم شخصيه
البيت ما يرفعه يكود عمدانه=ولينكسر واسطة ما زانت ألفيه
والمملكة قبل حكم العود هلكانه=لحظه وأبا أعطيك تاريخ السعودية
تاريخها قبل سيف العود وحصانه=نهب وتشتت وكلاَ حالته سيه
وعقب حكمها معزي والولي عانه=وصف المشاريب من هاذي وهذيه
حكمه بشامان ما جاء غدر وخيان=ولهوب سلفه ولا جاء القرم عاريه
على ظهور النجايب كأنه وكأنه=لين انتصر وأعلن الدولة سعوديه
وساد الأمن في محيط الدار واركانه=من بحر جده أليا الدمام محميه
ومن اليمن لا حدود الشام عمرنه=عمرانٍ تحت سيف الشيخ وخطيه
الدار بالأمن والأمان مليانه=والشعب عايش حياته في رفاهيه
يا مالك الملك تكتبها بميزانه=واكتب جزاه هي الخلد الجنانيه
ورحل وخلا البلد في كف صدقانه=حامينها من زناديخ الحراميه
خل البلد في كفوف سعود وخوانه=فيصل وخالد وأخوهم صافي النيه
فهد فهد جعل روض الخلد مسكانه=جعله جوار النبي في طايل الفيه
على الارايك أعيانه تنظر أعيانه=والي تخدمه قصيرت طرف حوريه
زعيم ألامه حمى داره وجيرانه=يحميه ربي من المكروه والسيه
خمسة ملوك نسال الله سبحنه=يقبل عملهم مع أعمال النبويه
واليوم دار السعود بحكم شيخانه=في حكم شيخٍٍٍِ عصب وسطه بجنبيه
شيخن ولد شيخ من رأسه لسيسانه=معرب جدود هو ساس العروبيه
أبوه عبد العزيز موحد ألدنه=وشمره خواله هل الطالات في ألهيه
عبدالله إلي يشيل الحمل بمتانه=حمل الجمل محمل حمل الدوينيه
قادة المسيرة بشرع الله وقرانه=وأعلن بالإصلاح والله يصلح النيه
مبادرة فتح من فضله ورحمانه=وتمت على مايرام وميه الميه
يعيش من تنقل الأمجاد ذرعانه=لدينه وشعبه وللامه العربيه
ويعيش صقر العروبة حامي أوطانه=حبه بقلبي يعادل نفسي ألحيه
يا سيدي لك ولانا ولولا عانه=ازهم لشعبك وتلقاهم فداويه
دون الوطن لو تبات العين سهرانه=نسهر ونحمي وطنا والسعد حيه
انتم ملوك الوطن والشعب رعيانه=مأجور يا دار من ذيبه وحصينه