100 سنه والداهنه في شموخ

[محمد بن ناصر الثبيتي]

--------------------------------------------------------------------------------

السلام عليكم ورحمة الله وبركاته


((اعتذر عن الغياب))

قصيده بمناسبة مرور مائة عام على إنشاء الداهنه وكل عام وهي بخير...



الداهنه


1331هـ - 1431هـ

يالداهنـه لـولا غـلاك وتغلـيـك=ماضمك طويق المسمـى بصـدره
ولاطوقـك بيدينـه الـي توالـيـك=إلا عشانـك تستحيـقـن قــدره
الله يرحم من جمـع ربعنـا فيـك=والي ومر ينشأ بارآضيـك هجـره
في عام واحـد والثلاثيـن منشيـك=وثلاثميـه والـف تاريـخ هجـره
مية سنه طافـت وحنـا نراعيـك=ونخشى يجيك من الصودايف عثره
دونك رجالٍ بأحمـر الـدم تفديـك=لاجـاء نهـارٍ كلبـونـا نخـبـره
الكـل منهـم لانخيتيـه يعطـيـك=روحه وينشـد ويـن حفـار قبـره
يشهد على حاضرك وقفات ماضيك=يوم الحياه بسالف الوقـت عـزره
يوم الموحد صاح بالحـق ناخيـك=قمتي معـه ماكـن الايـام عسـره
2000فارس جهزوا بيـن اياديـك=وسطرلهم تاريـخ الأمجـاد عبـره
ركبوا وساروا في الدروب المهاليك=ووردوا ولاهزإبهم الخـوف شعـره
فعلٍ عليـه إثبـات مافيـه تشكيـك=يشهد نفـود ثويـر ويقـر كسـره
ووضاخ مع جازان بالفعـل تنبيـك=وضلع جبله يشبع من الروس نسره
هـذي فعـول إجدادنـا مانحابيـك=يومٍ إن ضرب السيف فأوج عصره
افعالهـم واجـد ولاهـوب خافيـك=انه علينا يصعـب اليـوم حصـره
واليوم ساد الامـن والخيـر يأتيـك=من كل صوب ولابه احـدٍ يحكـره
مار إنعمي ياديرتي تحـت واليـك=الي عليك افضى من ازمان نصـره
مأنتي مثل غيرك ولابـه محاليـك=معروفةً من قـرن مأنتـي بنكـره
فيـك المزايـا كلبوهـا مبـاريـك=وسيرتك عند النآس بالحيل عطـره
عآن الكرم سوالـه معسكـر فيـك=والطيب باني فوق رمضاك قصـره
والعز ساسـك والكرامـه مبانيـك=والجود ما لاحدٍ معك فيـه خشـره
مع حلو مـاك مزيـن الله مفاليـك=خصً ليا صابك من الوسـم مطـره
وارضك دماث ولابه عشوب تخطيك=وغيرك صباخي والمواريـد كـدره
وفيك النخيل الباسقـات المشابيـك=في كل عام يجمـل السـوق تمـره
وربي عطاك من النعم لين يرضيك=ولاهوب يبغى غير حمـده وشكـره
وأرجي عساه من الصواديف يحميك=وقلب الحسود يزود ضيقٍ وحسـره
وعل السحاب الي خشومه محاليـك=مستاقـه المولـى ومنشيـه بامـره
خمسيـن ليلـة وابلـه مايجافيـك=يمطر عليهم قطـرة فـوق قطـرة
امطار خير وعقبـه الخيـر قافيـك=ومنه الفياض تصير ياحمود نظـره
وفيها البلابل باعذب الصوت تشجيك=وصوت ام سالم بين مويه وخضره
يفرح به الشاوي ويمسـي حواليـك=امعوضه ربـه عـن ايـام صبـره
والـذود عيـا لايفارقـك باغيـك=وسط الحماده يترس العيـن كثـره
مـاوده الايـدرج فــي فيافـيـك=بيـن النفـود وضلعنـا دوك نثـره
ويالداهنه تدرين انا ويـش اسميـك=انتي عروس طويق وانفاس زهـره
الله يديم الود فـي قلـوب اهاليـك=اللي غلاهـم ذوب القلـب جمـره
لاتحسبين اني مع الوقـت ناسيـك=مانساك لوغبنا عن الوصـل فتـره
هذا الذي ياديرتـي شـاق راعيـك=وخلاه يكتب ليـن ماجـف حبـره
ولوزاد مية بيـت ماهـوب مكفيـك=مار اقبلي ياديـرة الجـود عـذره
ويالداهنه لولاي بالحيـل ماغليـك=ماقلت هذا فيـك واجـزت نشـره

محمد بن ناصر الثبيتي