القصيدة إهداء للأمير فيصل بن سلطان بن حميد ...

[عبدالله بن عوير الدعجاني]

القيت هذه القصيدة اثناء زيارة الأمير فيصل بن سلطان بن حميد العتيبي الى الكويت في الحفل المقام على شرفه من قبل النائب سعدون حماد العتيبي

وارجو ان تنال على اعجابكم

قال العتيبي يوم وقت الطرب زان=مثايل (ن) بحروفها حس شابوش
مثايل (ن) تهدا لذربين الايمان=في ماقف (ن) يطرب له الراس ويشوش
اليوم جا للشعر وقفه وميدان=في حفلة (ن) باطرافها الورد مفروش
يا مرحبا ترحيب من قلب ولسان=من مخلص (ن) وجهه بلقياك مبشوش
يا مرحبا يا مرحبا يابن سلطان=إلك الغلا يا طيب الجد مخشوش
ما بين يا فيصل بساتين وأغصان=باقصي الحشي وتضمه العين برموش
يابن الرجال مطوعة كل فسقان=يوم إنها يا طيب الساس بجيوش
يوم إنها جيش (ن) وخيل (ن) وفرسان=ومصقلات (ن) فعلها حزة الهوش
من وقت صنهات الوفا وابن شبنان=وتركي وابن هندي محمد وعلوش
وضيف الله العفار حماي الأضعان=يوم الزمن نابه ينوش العظم نوش
روس الحرار إليا غشا الجو دخان=في ساعة (ن) يبلش بها كل مدغوش
فعايل (ن) يرجح بها كل ميزان=ما نالها في حزة الضيق مرعوش
شيخة سيوف (ن) باللقا تقضي الشان=ما ثبتوها طول الأيام بقروش
تاريخهم سجل له المجد عنوان=فيه الفخر والعز ثابت ومنقوش
وأبوك يا فيصل سلايل كحيلان=حاش المراجل كلها بالوفا حوش
وانت الخلف عقب السلف يابوسلطان=دون القبيلة لا هبا كل مغشوش
تم الكلام وصادق الهرج برهان=والطيب له تاج وملابيس وعروش

الشاعر :: عبدالله محمد بن عوير الدعجاني