منيف المنقره وعبدالمجيد الجهني شاعر جهينه القادم

[سفير المرجله]

بسم الله الرحمن الرحيم


السلام عليكم ورحمة الله وبركاته


الشاعر منيف المنقره والشاعر القادم للساحه بقوووه الشاعر عبدالمجيد الجهني

عبدالمجيـد:
نادوا منيـف ابـن مناحـي منقـره
نبغى نشب النـار بخشـوم الفتيـل
يالراوي اللـي كـل حلـم تعبـره
اللحين قلي وش تحـط وش تشيـل

منيف المنقره:
اسمعك والميعاد فـي بحـر انقـره
اصبر شوي شوي ويبين الحصيـل
مادلكم فـي الـدرب غيـر المـره
وانته تقول انك مـع العالـم دليـل

عبدالمجيـد:
ان كان حبل الموت وصل الحنجره
ادخـل وياليتـك تحصلـك دخيـل
مال المره غير الحلـق والبنجـره
والشغل الأخـر مايسيـر الا بليـل

منيف المنقره:
انـا مخطـط بالقلـم والمسـطـره
وخطة نورثهـا لجيـل بعـد جيـل
تمـديـدك ولا لمـسـة العنـبـره
العنبره مـن دونهـا شـي مهيـل

عبدالمجيـد:
خطتك فشلت ميـر كـب الثرثـره
جتك العرب في خيلها تصهل صهيل
العنتـريـه مالـهـا الا عنـتـره
وش عاد نحصي لاكثير ولا قليـل

منيف المنقره:
عدالجنـايـز عـدهـا بالمقـبـره
حنـا تـرا مانعتـرف بالمستحيـل
اليازعلنـا نعمـل اكبـر مجـزره
حتى العزيز بديرته يصبـح ذليـل

عبدالمجيـد:
اخير فعـل الصقـر ولا الحمـره
يالحمره لوكان لـك ريـش وذيـل