حصاد اعمال الدنيا في الاخره

[ابو فاطمه]

قصيده قالها الشاعر بندر تركي بن هليل الشيباني

اثناء دعوتاً تلقاها من الشيخ سلمان عبد الله الفراج السبيعي رئيس مركز الفراج برميح

يقول فيها

حنا ليا منا بيومًا دعينا=عند الرجال مكملين المواجيب
قلنا لهم في الحال تمًا وجينا=ماكننا بضيف كنا معازيب
لأنا على قولت هلابك ظرينا=عند الرجال اللي نباهم تعاجيب
اهل الكرم واهل الكلام الحسينا=اللي يشعشع في مجالسهم الطيب
افعالهم فعماقنا مانسينا=اهل الجميل مكثرين التراحيب
واخص انا سلمان ذرب اليمينا=في مقدم الفراج كسابت الطيب
وحنا ولو جار الزمن ماشكينا=الا على اللي يعلم السر والغيب
ورصيدنا ماقدمنه يدينا=في موقفًا ياعلي ماعنة تجنيب
من هوله ام الطفل ترمي الجنينا=وراس الفتاء من وحشتة ينقلب شيب
من خيفتة لا ما ذكرنا بكينا=يبدأ ليا حطت علينا الطواليب
تذكرو يامن عنة غافلينا=في ساعتة ماينفهون الاصاحيب
تملك حصاد اللي بذرتة سنينا=هو راس مالك مالنا عنة تجنيب
احداً كتابة يحمله باليمينا= يوم الحساب ويوم تقرا المكاتيب
يوم ان قدمك كل شي يبينا=اللي فعلت مقدمينة بترتيب
واحدًا كتابه في شمله مشينا=يندم بعد شوفة ويصلا اللواهيب
تفكرو في الوضع ياسامعينا=وش يختلج بين الضلوع المحاديب

آخر تعديل ابو فاطمه يوم 06-Jul-2010 في 02:32 PM.