الغنـــــــى فالنفــــــــــــــس

[فهد علي العازمي]

الغنى فالنفس ماهو غنى كثر الرصيد=والفقر فالمال ماهو فنقص المرجلة
والعمر فاني وزايل ولابده يبيد=لو يطول العمر اله قبر لازم يدخله
لا دخل قبره عياله وماله ماتفيد=ماتفيده مايفيد الرجل غير اعمله
كان قدم شر يلقى عذاب الله شديد=وكان قدم خير خير الثواب يحصله
يالله اني طالبك ياعزيز ويا مجيد=يالطيف وياكريم اصدق القول انزله
نق قلبي من ذنوب(ن)على ظهري تزيد=بالبرد والثلج يارب جسمي تغسله
بس انا حبيت اوضح لكم علم)(ن)وكيد=واستحيت اطلع كلامي ولا ابغى اكمله
يطلع ربي على اقوال وافعال العبيد=يمهل المعبود للعبد لا مايهمله
الزمن يمشي وما فات لا يمكن يعيد=والليالي حولنا بالمصائب مرجله
البنادم لو يعيش العمر كله سعيد=هادم اللذات فيه الليالي مقبله
يفعل الله مايشاء يفعل الله مايريد=القدر ما أحد(ن)يرده ولا احد يحوله

اتمنى ان تنال إعجابكم
أخوكم ..فهد علي العازمي