الرجال الكـــــــــــرام اللي تسد اللزوم

[عبدالله الاصعر]

ياقمر في غيابك ماتسد النجوم=لو سطّع نورها دايم على قدها
انت نورك لونه حال دونه غيوم=ياصل الارض وينور على خدها
جعل يبطي خسوفك جعل نورك يدوم=لو خطايا البشر زادت على حدها
البشر طبعها مثل اكلات اللحوم=لا لحقها الطوى ترجع على بدها
بين غث الكبود وبين فطر الخشوم=ثغرت الخير تتسابق على سدها
فاعل الخير صار اليوم شبه معدوم=هجمة الشر مايقدر على صدها
لو راسه شجيع ولو قلبه عزوم=الجميله متى يحصل على ردها
من عيال الرخوم معدمين السلوم=مخلفة سلمها اللي من على جدها
الرجال الكرام اللي تسد اللزوم=تالي ايامها تندم على مدها
مير ياللي مع الدنيا تطيح وتقوم=كلمة الصح لا تضراء على ضدها
عن علوم الخطا والشين لازم تشوم=لا تعود مع اصحابك على عدها
شوف باب المغادر قبل باب القدوم=امنع الرجل لاتعجل على هدها

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com