ياقلب لوسجيت

[شامان الروقي]

بسم الله الرحمن الرحيم
اليكم هذه الابيات وعسى ان تنال اعجاب المتذوقين

ياقلب لوسجيت ماني بمليوم=لولايمي ياقلب طيب وغالي
مادام جاثٍ بك من الهم جاثوم=على معاليقك جثى بحتمالي
باسج رجلي واكثر السج والحوم=في خايعٍ نبته جديدٍ زمالي
جواً خلى توه من الوسم مرحوم=مسقيه وال العرش منشي الخيالي
اشب به ناراً سنا ضوها يزوم=لاقام تلفحها هبوب الشمالي
يجذب سناها كل ساري ومنجوم=وفي جالها صفراًخيار الدلالي
في جوفها صفحِ من الهيل مردوم=وبن اليمن فيها يجول اجتوالي
لخذت فنجالٍ مسوى ومحكوم=قدقيل قبلي مثل دم الغزالي
يطرد عمس راسٍ من الفكرمزحوم=والضيق عني زال والهم زالي
برفقة شجيعِ من هل الدين شغموم=وانا رفيقي من خيار الرجالي
اسج به والناس معطا ومحروم=والله مدبرهم عزيز الجلالي
وترى العمروالرزق ياقلب محتوم=يعلم به الي عالمٍ كل حالي