قصيدة قبيلة الفرهود

[عبدالله الفهد الاسعدي]

السلام عليكم ورحمة الله وبركاته0

قبيله بنت عبدالله بن دهش الفرهود الاسعدي 0 رحمها الله
شاعره وجدانيه وشعرها عذب
وسهل ممتنع يحلق بالقاري الى افاق بعيده 0
لعلي ان تيسر الامر اورد لها عدة قصائد فيما بعد

كانت رحمها الله تتوجد على ابنها
الشيخ سليمان بن عبدالرحمن الدهش الفرهود الاسعدي رحمه الله
وذلك عندما كان يعمل بالجنوب
وكانت وسائل الاتصال صعبه للغايه
وكان رحمه الله كثير الغياب عنها لطلب الرزق0
وهذه رائعه من روائعها 0 موجهه لابنه سعد0
تقول رحمها الله 0

البارحه من ضيقـت الصـدر ونيـت =وهيضت ما بالقلب من ضيـق بالـي
وباالليل ماوالله على جفني اغضيـت =وعزي لمـن مثلـي جفـوه العيالـي
تكفى سعد يا نور عيني الـى اقفيـت = لا تحسبن البال يالقـرم سـالـي
اكتب لنـا خـط الـى منـك الفيـت =وخبر عـن العمـه وباقـي العيالـي
وعضني باابوك اللي جفا الحي والميت =وعاف القريب وعـاف كـل الاهالـي
عـزالله انـي مـا بحقـه تـرديـت = ابي العوض واليـوم ماهـو بحالـي
ويالله يالمطلـوب يامحيـي المـيـت =رده لحيـه يـا عـزيـز الجـلالـي