أنا ربتني الد نيا

[فواز الشيباني]

أنا ربتني الدنيا على جزل العطا والجود
ونفسي للوفاء والطيب وفعل الخير جزامه

وأعارض منهج الهابط ووافق للصعود صعود
وسير نفسي بعقلي مادام النفس هدامه

ولا تثر بي البسمة ولأكحل العيون السود
ولا يقوى على قلبي صغير الحسد وجسامه

أرد الجود بمثاله وأقابل بالجحود جحود
وترا لا خير في رجل يوطي للردا هامه

ومن له بالزمن غاية ومن عنده هدف منشود
ومن منا قدر يعرف خفايا مقبل أيامه

لقينا بالعرب حاسد وشفنا بالعرب محسود
وبه ناس لنا ضامت وبه با لناس منضامه

وأقابل خطوه بخطوه واجازي بالصدود صدود
تناسى غلطة الصاحب عليك بلحظة خصامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بإعدامه

ولا تزعل على رجل بذل لرضاك كل جهود
ولا تامن من الحاسد رضاه ورفعت أبهامه

نبي نصبر على الدنيا قلوب بالحياة زهود
مادام أن البخت عيت توفق رمية سهامه


صح اللسان الشاعر العاقل