قلب نجـــــــــــــــــــــــــران

[ماجد العصيمي]

مانيب لاضايق ولانيب زعلان=مافيه احد يزعل على من يوده
وشلون لو كان الغلا قلب نجران=والله مابدله برعابيب جده
اهلا هلا في قلب مغليك يافلان=واهل الاشده مالها الا الاشده
انا على طرياك ميت وشفقان=وتقول ناوي ياغناتي بصده
وصفك يعجز كل شاعر وفنان=ومسببن بين الحلاحيل هده
خفف على المجروح ياخدر الاعيان=ادري بماضيكم ومزحه وجده
ربعي وربعك فالمناويخ فرسان=وعشقٍ لهم يومن يجي فيه رده
يعني نصير انساب فالدين واخوان=جاك العتيبي بجاه خاله وجده