مرثيتي في ذيب بن مشعل...غالي وغالي وغالي

[فهد علي العازمي]

بسم الله الرحمن الرحيم
السلام عليكم ورحمة الله وبركاته

إنتقل إلى رحمة الله قبل أيام ولد عمي الشاب:
ذيب بن مشعل بن وصل الله العازمي
والمصاب كبير و الفقد غاااالي
وهذه مرثيتي أضع لكم هنا في هذا المنتدى الجميل قبل الجميع

يالله أنا طالبك يامجر الأيام=يالواحد المعبود يا ذا الجلالي
ما عاد الي طاقة على كثر الآلآم=إلطف بحالي وأنت عالم بحالي
اشقتني الأيام عامٍ باثر عام=شربت كاس المر ماذقت حالي
أي والله اني من عنى الوقت منظام=واقول يا ربي عليك إتكالي
مرحوم ياللي عقبه الطرف ما نام=والدمع من عيني على الخد سالي
مرحوم ياللي للصعيبات مقدام=يا ذيب ابن مشعل ياذيب العيالي
من غيبته غبت طموحات واحلام=طاحت سوا تقول جرفٍ هيالي
من يوم مالفّوه في قطعة الخام=كن الفرح مدفون تحت الرمالي
يالله ياللي للخفيات علام= يالواحد الوالي على كل والي
تغفر ذنوبه والخطاوي والآثام= وتِسكِنه فالفردوس بعد الرحالي
ما دايم آلا الله ,,والإنسان ما دام=لو طال عمره مقتفيه الزوالي
دنياٍ تغرك بالمناوي والاوهام=تدور بك دور الرشاء بالمحالي
يا ما خذت من خيرت أقراب وأعمام= ويا ما خذت غالي وغالي وغالي
يا سِعد من صلى ويا سِعد من صام=وادّى فروض الله بكل إكتمالي
متمسكن بالحق في دين الإسلام=يرجي عفو ربه عظيم الجلالي
والغافل اللي غافلٍ طول الايام=لا بدِّه تصحيه سود الليالي
وإختامها صلو على سِيد الانام=إعداد ما يبد القمر والهلالي

أخوكم :فهد بن علي العازمي

إبن عااااااااصي

[/size]