ابو تركي
الليل ياشعار والمسرى مع الدرب الطويل=مافيه رحمه والوعد قدام مع طلعة كرى
اللي يقوم يشد حيله لايدور له بديل=يمشي معي قدام لايزمل ولا يرجع ورى
مرجح الميزان
الليل سره والوعد لا غيبت نجمة سهيل=واللي درى يخبر عن الطرقه رقودٍ ما درى
اللي يشب النار ياشعار في راس الفتيل=يرقب لها لا غيم الجو الصحاوي وامطرا
ابو تركي
يامرجح الميزان لن كانك على النهج الاصيل=صل الفريضه كامله لامن دخلت ام القرى
احسب حسابك ياعتيبي لاتميل ولانميل=اطلع كرى لن كان توحينى ولك عينن ترى
مرجح الميزان
ان كانها فأم القرى وإن كان في دار العميـل=الفرض واجب والوجوب نكمله مهمـا جـرى
تبا تحولني وأنا يا هيه مـن فـوق المخيـل=أثر العرب كل "ن" يحسب انه من الغالي شرى
ابو تركي
ابلشتنا يامرجح الميزان ياتالي موديل=لوكنت تفهم مقصدي واللي على بالي طرى
ماكان جيت السوق فارغ وانت ماعندك حصيل=ولو كنت خصمن معتبر تبشر بمردود البرى
آخر تعديل بدر الكريزي يوم 04-Mar-2009 في 08:51 PM.
04-Mar-2009, 08:48 PM
العرض الشجري