الليل ياشعار والمسرى مع الدرب الطويل=مافيه رحمه والوعد قدام مع طلعة كرى
اللي يقوم يشد حيله لايدور له بديل=يمشي معي قدام لايزمل ولا يرجع ورى

الليل سره والوعد لا غيبت نجمة سهيل=واللي درى يخبر عن الطرقه رقودٍ ما درى
اللي يشب النار ياشعار في راس الفتيل=يرقب لها لا غيم الجو الصحاوي وامطرا

يامرجح الميزان لن كانك على النهج الاصيل=صل الفريضه كامله لامن دخلت ام القرى
احسب حسابك ياعتيبي لاتميل ولانميل=اطلع كرى لن كان توحينى ولك عينن ترى

ان كانها فأم القرى وإن كان في دار العميل=الفرض واجب والوجوب نكمله مهما جرى
تبا تحولني وأنا يا هيه من فوق المخيل=أثر العرب كل "ن" يحسب انه من الغالي شرى