رائعه لشااعر علي القرني

[صنديد العصمه]

بسم الله الرحمن الرحيم

القصيده هذي صراحه اعجبتني وقلت انقلها لكم,,,,


وين الصديق اللي على الشف والكيف***اللي ليـا شفتـه جروحـي براهـا

في ساعة الشدات بايدي كما السيـف***كـل الهمـوم اللـي بقلبـي جلاهـا

رفقته لي عـزْ ومهابـة ْ وتشريـف***والنفس فـي قربـه يجيهـا غناهـا

ياحيف من بعض الرجاجيل ياحيـف***اللي علـى حكـم المصالـح ولاهـا

لاصار مستغني يجيـب التصاريـف***ويصـد عنـك ويبتعـد ويتـلاهـى

ماعنـده استعـداد يلحقـه تكليـف***حتى لـو اصحابـه تسايـل دماهـا

ولاصار يبغى منك خدمـة وتسليـف***تنقـط لسانـه عسـل مـن حلاهـا

ويجيك باغلى المدح واحلى السواليف***ويصيرلك نجـم رقـى فـي عُلاهـا

واذا قضى حاجتـه ولّـى ولاشيـف***ياليش يرجـع بعـد ماهوقضاهـا؟!

هاذاك مثل البارق اللي برق صيـف***سحايبـه شحـت عليـنـا بمـاهـا

مكتّفٍ عن طيـب الافعـال تكتيـف***نفسه خبيثـة موتهـا هـو دواهـا

لاصـار ماينفـع رفيـق ولاضيـف***يالعنبـو رفقتـه واللـي شراهـا !


رائعه لشااعر علي القرني ’’’