عاصرت وقتي واكتشفت الحقايق

[عاشق الذكرى]

السلام عليكم ورحمة الله وبركاتة

اشارككم بهذه القصيده عسى ان تنال رضاكم

وهي اخر ماكتبت

عاصرت وقتي واكتشفت الحقايق=والوقت يكشف كل خافي ومستور
لقيت فالدنيا علوم وطرايق=للناس صرت اليوم اخصائي دكتور
من كثر ماجربت شفت الخلايق= بعض البشر صاروا بلا احساس وشعور
فصيلة(ن) من خلق ربي علايق= ماجاب خير ولا على الشر مجبور
وفصيلة(ن) فالكون صاروا عشايق= لكن عشق(ن) ياهل العرف محظور
بعض العرب عليه هالكون ضايق= بيّة طريقه وده ايصير مشهور
لو كان فيها نهب ولا سرايق= وده طويل الرجم لكن مكسور
وش حيلة اللي مايوثق وثايق=اكيد من من بعض الصوديف مقهور
والناس تكشف كل خاين وبايق=لو جاملته ايام في يوم مدحور
والعير لا يمكن يكب النهايق=ينهق ومطواع العصى قاصر اشبور
وبعض العرب تراه دوم متوايق= مثل البعير اللي مطرف ومنحور
قول(ن) عليه اثبات ماهو لفايق=كلام سبّاح(ن) غطس غبة ابحور
واللي ركض ويحب شب الحرايق=عساه في نيرانها دوم مقبور
ولاني على بعض السواليف رايق=موج البحر يضفي على كل بابور