إلى من يهمه الأمر......

[ابن_حضيض_الـــــــزلامــي]

ثارتبي الأفكار وأوقفت القوافي والقصيد=
=إمرار أقول أصيبها وإمرار أقول اخطيتها
حدتني الأفكار فوق اللي نريد وما نريد=
=اللي صحيحة قلتها واللي خطأ خليتها
يما يغير دفتره ولايبا يقعد بليد=
=اللي ليا ضاقت عليه إمرار أنا فكيتها
هل يحسبن الزمان اللي مضى لا يمكن يعيد=
=لابله يمكن يعيد وتأخذ اللي قبل مديتها
ولابد مايبعد به أقاربٍ ويقربه بعيد=
=ويظهر رجالٍ وقت المواقف يظلل بيتها
يلي تسولف وأنت في نعمه ورزقٍ رغيد=
=خابرك لوزا لت دموع عينك ترى هليتها
أثرك تسمى بالعلوم اللي لها أبطال وشهيد=
=متخفيٍ سد السناح اللي رقعته شقيتها
لابد ما يدرى وتكشف السادة أخوان العبيد=
=وتاضح حقايق للخلايق قبل أنا خفيتها
يجيلها يومٍ يحكبها الحديد مع الحديد=
=ويطلعلها شرار نارٍ فيك ماطفيتها
نعرفك مرسول الرسائل والموزع والبريد=
=ياما تجيب علوم وليا جبتها وديتها
خللك بدنياك لاهي مالك ومال النشيد=
=لوجيت أبنشدك عنها قلت ماسويتها
تاجر تفكر كل يومٍ وش يزيد من الرصيد=
=لاتفتح أبوابٍ وتبطي وقت ما صكيتها
ولاأنا لي وقت ساكت وسجتي في وسط بيد=
=وعيني ترى مابعد فيك أنا لديتها
ما طالع إلا كل عليا وطالع كل حيد=
=وأنظر بعيد وكل عين معاديه سديتها
وعزاتي ياللي فزعتي فوق العدى نارٍ وقيد=
=اللي تقديني على الجزله وأنا قديتها
ميقافهم دايم معي ومقدارهم دايم يزيد=
=أهل المواقف فالوازم جات ولا جيتها
ماهمهم هرج الضعيف اللي كلامه مايفيد=
=وأهل الحسد ماقول غير الله يخرب بيتها
نعرفك مرسول الرسائل والموزع والبريد=
=ياما تجيب علوم وليا جبتها وديتها