في مثل هذا اليوم ...

[شجاع السواط]

كل عام وانتم بخير

هذي بويتات كتبتها يوم عيد الاضحى على ذكرى اعدام صدام حسين ..اقبلوها بعفويتها
===================================

في مثل هذا اليوم ضحوا بصدام=ياعيدنا الاضحى من العايدينا
يوم ٍ تخلًد في تواريخ الايام= لو انتناسا نكسته مانسينا
في يوم عيد النحر قاموا بالاعدام= جزوًه في يومٍ عزيزٍ علينا
هزوا مشاعرنا جواسيس واقزام = ولو كان نزعل عمرنا مارضينا
ماعاد تفرق ياصناديد الاسلام=مقيدين وذلنا يعترينا
صرنا ضحيه بين بايع وسوَام=نطرد ورى لذاتنا وانتهينا
نعيش لاهلحين في بحر الاحلام=نحلم بحلمٍ ماتطوله يدينا
وش عاد باقي يالصحايف والاقلام=طعم الحقيقه مر لوما حكينا
الرافدين امست عصابات واقسام =من بعد حكم الطاغيه وش جنينا
الامن ضايع والبلد قتل واجرام= والغرب يبغا نفطنا مايبينا
ولو كان صدام اخر الوقت هدَام=لكن موته حرك الوجد فينا
المشكله ماهي على موت صدام= المشكله في هيبة المسلمينا

وسلامت قلوبكم