قصيده في المستشفى

[الهراني 2007]

السلام عليكم ورحمة الله وبركاته

هذي القصيده عندما كنت في مدينه لاهور في باكستان لاجراء عمليه

اتمنى ان تنال على اعجابكم

ياونتن ونيتها وسط لاهور ونه مريض مغترب عن دياره
اسهر طوال الليل لمطلع النور والقلب من الوجع تزايد شراره
اصيح وماسمعني غيرخالق الحور والعين من الحسره تهل العباره
واليا ونيت قالو ابره الدكتور واليا صحيت ذقت طعم المراره
اثر القضيه فيها صابر ومصبور واللي يدوس الجمريحس الحراره
احدٍ صبر وتكتب له اجور واحدٍ تجزع وماله الا الخساره
اشهد شهاده حق ما هي بزور ان الصبرصعب وصعب مشواره
ماجور ياهزاع بإذن الله ماجور والله يفرجها ويجيب البشاره
يالله طلبتك تفرج لعبد مقهور يتقلب تالي الليل يمين ويساره
يرجي منك المثوبه والشفى دهور وترده لربعٍ يحترون اخباره
عبدالله تكفى قوم وانت مشكور اكد لنا الحجز مابغى انتظاره
نبا نروح اديارنا ونقطف زهور ونرشها لحظه وصول بمطاره
في ديره الرحمن وابليس مدحور ونسجد لربي شكر ليل ونهاره
هذي تراها اشاره لبعض الامور ولا شك ان الحر تكفيه الاشاره
وختامها صلو على الآمر المامور محمد المختار عد ما غار غاره
وعد الاوادم وعد مر العصور وعدالبروق وعد ماهلت امطاره