يابو العيون اللي هدبهن مراهيـش

[يجيلك يوم]

يامرحبا ترحيبـه الطـش والـرش***يابو العيون اللي هدبهن مراهيـش
يامرحبـا ترحيبتـن مابهـا غـش***احلا من الماء للكبـود المعاطيـش
ترحيبه الولهان من خاطـرن هـش***في شوفتك عقب النيا والمطاريـش
ياللي مفجوع الهـوى فيـك ينعـش***شوفك وبعدك هـم مافيـه تفتيـش
ارحم محبـن فـي غرامـك تبلـش***شاف العيون وشاف شقر العكاريش
شاف الجمال اللي مع الناس يدهش***يسبى العقول ومن صعيب المناويش
ادعج غنج منه المعاليـق تنحـش***اليـا تبسـم بالثمـان المباهيـش
والموت في لحظه اعيونه اليا ارمش***لولا الرجا فيهن فلا ضنـي اعيـش
عين اشقرن للخرب مايبعد النقـش***يهوي عليه وظربته تنثـر الريـش
يازين مثلك مايبـا لبـس رشـرش***ان كان قصدك لبس لاعـاد تبغيـش
الله عطـاك وكمـلـك يامـوحـش***ياريم ياللـي مرتعـك بالنشانيـش
عليك وجدي وجد من نطـل القـش***جذب ذلوله يوم هجوا هـل الجيـش
والطرش هج من المغيـره مطـرش***وصاح الصياح وقيل ياهل القناطيش
وركبوا مرويت السيـوف المعطـش***ولحقوا على قب المـار المداغيـش
وخلى وربعه مادروا وينهـم طـش***افخت ونـاروا مبعديـن المغابيـش
عليك يـاراع الخضـاب المنقـرش***يامنوتي من لابسـات الرشاريـش
لاوهنـي اللـي علـى بيتهـم دش***غصبن على ناسن ترز الشوابيـش
مبينـن حبـه ولانــي بمنـخـش***وامشي بغض اهل العيون المشاويش
كني غليثن صـاح بالنـاب ينهـش***واللـي يلوممـواع القلـب حتيـش
ماهمني منقود ناسـن تـوش وش***اللـي يـدورون الـردا والتفاتيـش

وصلوا على اللي بالرساله مطـرش***على النبي الهاشمي صفوة قريـش


الشاعرغازي السبيعي