قصيدة رائعه للشاعر المبدع
محمد السليس العتيبي
اليا تواضعنا بلشنا بالاقزام ... واليـا تكبـرنا ملام ٍ علينـــا
لكن تعلمنا من صدوف الايـام .... من عقب جربنـا ورحنا وجينـا
اللاش مثل الصفر بحساب الارقـام ... حطه يسارك لاتحـطه يمينـا
واليا بلشنا فالحقايق والاوهــام ... بعنا الرخيص واشترينا الثمينا
للصاحب الوافي نجي درع وحزام ... وقت الرخا والا بشهب السنينا
والرجل لاما صار عزام جزام ... اكيد فى قاسي المواقف يلينــا
وسوق المصالح والتمصلح والاعلام .... لو تشقى العالم لها ماشقينــا
والله لو ان اليمن ينقلب شام ... والرمث يقلب كنه الياسميـنا
وتصير كل النـاس عدوان واخصـام ... ماجانا الا ماكتب الله فينــا
هذا وتمت والرضا سيد الاحكـام ... من عقب جربنا ورحنـــا وجينــا
و يالله تعز الدين وتعز الاسلام ... وتعز داري قبلة المسلمينا
« آخـــر الـــمـــشـــاركــــات »
14-Sep-2011, 12:08 AM
العرض الشجري