الشاعر عويض سفر النفيعي يجاري قصيدة الشاعر الامير خالد بن سعود الكبير

[عويض سفر النفيعي ابو عادل]

هذه القصيدة جاريت فيها قصيدة
سمو الامير خالد بن سعود الكبير
قصيدة سمو الامير خالد ابن سعود الكبير

سلام يلـي عليـه الدمـع مسفوحـي=طول غيابه وحال الياس مـن دونـه
خبريبه العام يوم الوصـل مسموحـي=يوم الهوى سنتـه للنـاس مسنونـه
واليوم عني وزين الـروح مطروحـي=حسبي على اللي على بابـه يردونـه
ليلة افراقـه بعينـي عيـة اتروحـي=دايم على البال تخطر دمعـة عيونـه
هو نور عيني حبيبي هو بعد روحـي= وش لون ابقضي حياتي سالين دونـه
اليا قلت ابنساه احس بنزعة الروحـي=وان جيت ابا لقـاه عيـو لايخلونـه
يفوح صدري على شوف الغضي فوحي=نار الهوى تشتعل بالجـوف مكنونـه
باقي على الود لونـي فيـه مذبوحـي= لاخـان عهـدي وانـا والله ماخونـه

صاحب السمو الامير خالد بن سعود الكبير

سلام يامـن جديـده جـدد اجروحـي=واثارني في جميـل لطـرح مضونـه
ياسيدي قافك اجبرنـي علـى البوحـي=وابديت ماخفيـت والاسـرار مدفونـه
والعبد ماله عـن المكتـوب فالوحـي=لابـد يلقـى نصيبـه بـاول حتونـه
مالي جدى غير سهر العين والنوحـي=وان طال في صدته باصيـر مجنونـه
له صورة في خيالـي ويـن ماروحـي=وفزلـه لاسمعـت النـاس يطـرونـه
غلاه في وسط قلبـي بـان صروحـي=سبع اسنواتً حياتـي فيـه مرهونـه
واليوم عنـي يصـد وكـن مايوحـي=اجاب الـورق وغنـي علـى الحونـه
يقـول اعـزك ولافالحـب مصلوحـي=وش لون بعد المحبه تقفـي اضعونـه
مايـدري انـي بليـا ذنـب مذبوحـي=يوم اعلن الحكم قلبي هـزت اركونـه
ولو كان من دون عشقي تقصر شبوحي=والله ليبطـي بنـون العيـن وصونـه
ياسيدي خالد ابـن سعـود ذا بوحـي=جاريت قافك بعـد حسيـت مضمونـه

عويض سفر النفيعي ابو عادل
الطايف