ســلام رديةٍ تضفـي عـلـيكـم عـمـوم "

[فهد الحصيني]

ســلام رديةٍ تضفـي عـلـيكـم عـمـوم=مـثل السحاب أيتـكاشـح نـور براقهـا
السيف حـده رهـيف وماتجيه الثلوم=يقـص دايم رقاب الناس واعناقها

آخر تعديل فهد الحصيني يوم 25-Jan-2010 في 08:17 PM.

[حسن إبراهيم الدجيماء]

الله الله يالذيب ... دايم مبدع في طلتك .. وتلفت الانتباه لك بسرعة .. وانا تشرفت في لعبي معك فيما سبق .. واترك المجال لأخواني ولا والله ودي .. لكن الوقت توخر والمخ مقفل .. لكن نبا نتاااابع ..!!

صح لسانك ولاهنت ..! وفي انتظار قبيلك ..!!!

[فهد الحصيني]

الدجيماء

...

الأبداع حقيقةٍ هو حضورك المميز يالغالي


وأنا كذالك اتشرف بالعب معك


وصح بدنك والله يسلمك ويرعاك


لك ودي وتقديري

[علي الشهراني]

انت يا الذيب موجود عشان نرد عليك


لاني رجال لعبي مباشر و البايت ماله طعم


انتظر ردك

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[فهد الحصيني]

رد وعجل قبل يسري الليل

[علي الشهراني]

يا مرحبا يا هلا في برد و الّا سموم=ترحيبةٍ ثابتٍ بالوقت ميثاقها
يا راعي السيف لا تامن قوي السهوم=عاين غروب النجوم و عاين اشراقها

آخر تعديل علي الشهراني يوم 25-Jan-2010 في 09:02 PM.

[فهد الحصيني]

دام البقا بعد ما جالك قوي العزوم= اللي يعرف العلوم ويعرف سياقها
غير المقدر ماحصل شيء شيء معلوم=وأخاف أحملك حمله مابتطاقها

آخر تعديل فهد الحصيني يوم 25-Jan-2010 في 09:20 PM.

[علي الشهراني]

يا مال فرقا العلوم اللي تجيب الهموم=و الله يعين اهل مكه تعبر انفاقها
لقيت سيارةٍ تلعب بخط الجموم=الظاهر ان البلا في راس سوّاقها

[علي الشهراني]

صح لسانك يا الذيب


و الى لقاء اخر


تصبح على خير

[فهد الحصيني]

أنا اشري من الذهب وأنته ماتشري تسوم=وعيت تكب العرب ياربعي أنفاقها
هذيك سيارتك تقضي عـليـها الزوم=ازعجت خلق الله أنته سبت ارهاقها