". يابنت حبك داخل القلب مكنون ."

[جهز العطاوي]

كيبورديه متواضعه أتمنى أن ترتقي للذائقه

يا بنت حبك داخل القلـب مكنـون=ماياصله يابنـت حاسـد ونمّـاك
حبً لجا بالقلب يا بنـت مصيـون=ماظنتي مثلـه علـى حـد الأدراك
أهيم في حبك وأنـا فيـك مفتـون=بالزين تملكني عسى الروح تفداك
يا ساحر الألباب أنا فيك مجنـون=إرحم عزيزً ذل يـا بـدر الأفـلاك
الحب له في داخلي قـدر وفنـون=قدّر معان الحب لا شـان مبـداك
وإعرف ترى ما خالطه شك وظنون=ولا فيه مثلي ياهوى البال يهـواك
ولو تجتمع كل الخلايق ويسعـون=بفراقنـا بنقـول منّـاك مـنّـاك
منّاك عنا لو سمحتـو ولا يهـون=حبً جمعنا مصدره زيـن حليـاك

وسلامتكم ..

التوقيع

سبحان الله وبحمده سبحان الله العظيم ,, أستغفر الله وأتوب إليه

[معلا إبراهيم الأسعدي]

جهز العطاوي

صح السانك هذالحب ولابلاش

التوقيع

[علي الشهراني]

و انت سالم و غانم


صح لسانك و لا فض فوووك


مشكووور في انتظااار جديدك

[طلال ناشي]

صح لسانك ولاهنت

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[خيال الأصيله]

لا هنت وصح اللسانك

[عمرالروقي]

الله الله
صح لسانك ولاهنت
ياجهز على هذه الدره
.......
تقبل اجمل تحيه

[جهز العطاوي]

صحت ابدانكم جميعاً

ولاهنتوا على مروركم المميز

دمتو بخير

[عبدالله الفهد الاسعدي]

صح لسانك اخوي جهز

قصيدة رائعة بكل المقاييس

موفق لكل خير

[عبدالله بن طلال]

صح لسانك يا جهز



قصيدة غزلية مليئه بالاحاسيس والمشاعر العذبة



تقبل تحياتي

[جهز العطاوي]

صحت ابدانكم جميعاً

ولاهنتوا على مروركم المميز

دمتو بخير