للتواصل . والعذر والسموحه
لي وقت ودّي أكتب قصيده جديده = لكن هجوسي بالشعر ما اسعفتني !
اكتب شطر وامحيه وأرجع واعيده = أدوّر الجزله / ولاكلّفتني !
ولاجيب غير ابيات شعر ٍ فريده = لأنّي ليا ما انصفتها ما انصفتني !
من شان لامنّي كتبت القصيده = وغنيتها بين العرب / شرّفتني !
وان كان ماقلت البيوت المفيده = الناس بكره فالمجالس قفتني !
أحد ٍ يوفّي علم وأحد ٍ يزيده = وعلومهم عن غايتي ما احرفتني !
والهرج لو ودّاه ساعي بريده = بطيّب القول / الرجال أعرفتني !
لي منهجٍ سامي ونظره بعيده = وأرياي عن بعض الخلايق كفتني !
وأصحاب الارياء الوافيات السديده = فالمرجله / والمعرفه / ناصفتني !
وأهل العقول الفارغات البليده= بأفكارها / وأعقولها خالفتني !
وناس ٍ تدبّر في غيابي مكيده = لو يقدرون / عن البسيطه نفتني !
الله لايجعل للاعداء شريده = اللي على درب الرداء وقّفتني !
من مات منهم ماحسبته فقيده = ومن عاش عنه اسلومي امكتفتني !
والرجل طيبه في حياته رصيده = هذي تراها كلها ماخفتني !
أخذت درس من الظروف العنيده = اللي بشي ٍ ماأعرفه عرّفتني !
وان جات لي على ماباه وماريده = دين ٍ عليّه لو ماحلفتني !
انّي ماقول الاّ العلوم الاكيده = حتى توديها طراق ٍ لفتني !
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |
04-Jan-2010, 07:41 AM
العرض العادي
