سعوود العصيمي =
سلام والسالم من احداث الزمن يبقى بخير=يعلم عن احداث الليال وغيبها مايعلمـه.
ياسعود ياسعود النفيعي بعد ما قام البعيـر=اما رزقك الله برزقٍ منه رح له واخطمه.
سعوود البرقاوي=
يامرحبا واسلم بروحك كان تعرف وش يصير=الوضع متوتر وكلٍ قام يكرب محزمه
كانك موكل يالعصيمي فالغني وفالفقير=ترى الجمل ماعاد نبغى منه لو كان شحمه
سعود العصيمي =
سر الزمن في حكمة اللي منه ماواحد يطير=ماني مترجم لك كلامٍ مايبي لـه ترجمـه.
الحر مايخدم بلاش ولايروعـه الصفيـر=وانته لزمك الآمر والرجال يقضي لازمه.
سعوود البرقاوي=
انته تخاطب رجل عاقل ماهو بـورعٍ صغيـر=يعني لـزوم ان الرسالـة ماتجينـي مبهمـة
يامجلس الشورى نبا لوزارة الصحة وزيـر=شغل الربيعة ماش،، والموضوع عند المحكمة
سعوود العصيمي =
ماعاد الك عذرٍ تعذربه بعد جـاك النذيـر=يعني حدا الامرين كف الساق والا قدمـه.
ارسالتك ياسعود وصلت صاحبك عبر الاثير=مار انت ماشفت الغشيم اللي شرحها بقلمه.
سعوود البرقاوي=
اليا وقف سير المكينة ندهن السير ويسير=الامر هيّن ،، لاتلف الحبـل والا تبرمـه
فك القفول اللي على باب الخزينة يامدير=قدام لانلزمـك واللـي نلزمـه مانرحمـه
سعوود العصيمي =
السير واقف وانت واقف في مكانك تستدير=مدري متى حض النفيعي في حياته يخدمه.
الله يبارك فيك ماقصـرت فالعلـم الاخيـر=بكره نشوف معاملاتك بالختـوم امختمـه
« آخـــر الـــمـــشـــاركــــات »
21-Dec-2009, 01:29 PM
العرض العادي
