عبد الرزاق
سلام الله على العتبان قوم فعلهم محسوب=قبايل نجد في نجد المسمى تعترف فيها
وانا حبيت اشارك بعد جيت المنتدى المرغوب= واشوف السلعة الي بين بايعها وشاريها
معجب العتيبي
هلا يامرحبا والحرف مايسمع وهو مكتوب=على الصفحه تبين حروف كاتبها وقاريها
وجود الطيب اللي مثلك وشرواك ألي مطلوب=ولو ان المسافر له هويه بس مخفيها
عبد الرزاق
يدوم الك البقا يا شاعر مابك ولا عذروب= وحنا خابرين اهل الوفا تعرف باساميها
اشوف اللقمة الي ماتهيا غير للدبدوب= يزينها على مايشتهي والا يدربيها
معجب العتيبي
هذاك المصطفى ياجعلنا مما نصيب نتوب=ولو انا نحب المدح لجل النفس نرضيها
تحت شرع الولي والفرق بين مواطن ومنصوب=حسب ماقدموا والناس يامكثر دعاويها
عبد الرزاق
نبي الامة محمد خلقه الله بدون عيوب= عليه افضل صلاة كل مايذكر نصليها
يامعجب لاتروح بعيد بالتفكير لين يذوب= على هونك وميز فالقصيدة وش معانيها
معجب العتيبي
انا واياك فالطرقه مشينا والدروب دروب=تعودنا على دروب المراجل كيف نسريا
ترا كاس المعاني ياعميلي بيّن ومشروب=لكنّ ابحث علومك قبل تطلبها وتخطيها
عبد الرزاق
يامعجب ويش شغل الفرملة لولا وجود الهوب= ثنين ملازمين بعض فاولها وتاليها
انا خابرك شاعر تشرب المعنى شراب الكوب= لكن وش سر بقعا ماتحب الا بنيخيها
معجب العتيبي
بلا رفقه يعيش المودماني هيّن ومغلوب=لكن ارفق ولاتقلب معاليها لواطيها
يعيش الرجل بين الناس بالاحسان والاسلوب=يربي النفس قبل الناس في دنياه تكويها
« آخـــر الـــمـــشـــاركــــات »
11-Dec-2009, 02:00 PM
العرض العادي
