عقاب العنزي
سلام الله بعد حل الشتا واقفت سموم القيض = ياسلطان الجذع والناس ماموره ومنهيه
بعد حصلت لك ظل ٍ تحت ذيك القصور البيض = ورا تنسى القصور اللي قبل 200 هجريه ؟؟
سلطان الجـذع
هلا يامرحبا ترحيبةٍ فيها الرضا والغيض = بعدها العلم والمردود في هذي وهذيه !!
بن عبار اخذ فالكذب من بعض عنزة تفويض = وانا في منزلي مااخذت ثوب المجد عاريه !!
عقاب العنزي
يدوم إبك البقا مير الليال السود غير البيض = إلك مده مع ربوعك مابين الشمس والفيه
مدام انك جهلت الحكم في فتوى صلاة الحيض = علامك تفتي العالم فتاوي غير شرعيه !!
سلطان الجـذع
عسى ربي يبارك فيك شاعر ماتبا ترويض = مثل قود العسيف تقاد ... فالروحه وفالجيه !!
اليا منك هرجت مع الرجال إلك الصدور تفيض =وهذا حكم ٍ يخصك والفتاوي به خصوصيه !!
عقاب العنزي
تحسب ٍ انك دفنت القنبله داخل صحون البيض = علومك ماتذكرني سوا ياطاق طاقيه !!
ياراع الصوره اللي ماقبلها استديو التحميض = ولادري يااسود المنطوق مدري يااسود النيه
سلطان الجـذع
ابا احفّظك في بعض الدروس القاسية تحفيض = وبعدها اعرضك ياعقاب للارض الخلاويه !!
والا يااهل الوجيه السود ماحاصل لها تبييض = بياض الوجه ماهو سعلة من السوق مشريه !!
عقاب العنزي
بعد ماباح سدك يالجذع لاتطلب التعويض = ياراع الحجه اللي من زمان العام مطويه
ترى عشنا غنيين ونموت ومالحقنا غيض = لكن ّ علّم هلا العبله قبل قوم البجاديه !!!!
سلطان الجـذع
حسب خبرة صحيبك في مجال الطب والتمريض = ترى علاجك سهل لو علتك ماهي طبيعيه !!
(سعيّد في عيون أمه حلو ... ومع الرجال بغيض) = مثل عابر يجسد حالكم ميتين فالميه !!
عقاب العنزي
اذا ضاقت بك فجوج السعه عرضتّها تعريض = انا ماباقي ٍ كود اذبحك وادفع لكم ديّه
سعيّد في عيون امه حلو والمشكله فمعيض = فلا في امه ولا ربعه ولا هذي ولا ذيّه
سلطان الجـذع
على لا شئ لاكثرت سوالفكم ماعاد تهيض = اثر شعرك ماغير أبيات موزونه وقافيّه !!
انا ماني مدور للغلا في ساحة التخفيض = ماغير اضحك معك واسقيك سم الداب والحيه !!
عقاب العنزي
انا مابغى شهاده من هلا التخريب والتحريض = لكن خذها على الذرعان مربوعه ومثنيه
علومك يوم ابرّق في سنعها شدّني التلحيظ = ماكنك غير ابن وسّام مدري فيصل العيّه
سلطان الجـذع
وانا ماودي اجاملك واعرف الصحيح يغيض = لكن ارجع على ورثك ودحتك الشماليه !!
عمى والا عن الحق العيون مغمضه تغميض ؟؟= ماكن لفعل ربعي يابن وايل فيك ماريه !!
« آخـــر الـــمـــشـــاركــــات »
02-Nov-2009, 09:26 AM
العرض العادي
